In nom. dom. amen. Nos Heynricus praepositus, Nycolaus decanus totumque capitulum ecclesiae Misnensis notum esse volumus — quod constitutus coram nobis in capella omnium sanctorum capitulariter congregatis honorabilis vir dominus Con- radus Prfizse praepositus Budissinensis, noster concanonicus sua nobis insinuatione monstrare curavit, quod, quia duas vineas cum uno quartali mansi terrae arabilis et media area attinente in villa Zcficzkewicz") et iuxta eam in parte proprietatis nostri capituli sitas sua comparavit pecunia, eademque bona Heynrico dicto Magir mstico villae eiusdem inhabitatori possidenda hereditarie de nostro scitu et consensu contulit, sic quod idem Heynricus et sui heredes et successores de vineis, agris et area huius- modi dare debent in censu in singulis beati Michahelis festis duo talenta et quinque solidos denariorum Fribergensium, sive novem solidos grossorum Misnensium dati- vorum pro tempore currentium annuatim, quodque habitis eisdem novem solidis unam iterum sexagenam cum dimidia et novem grossos annuorum similiter reddituum in villa, quae media Ebirsbach dicitur et in districtu sive territorio Haynensi sita est, a Bernhardo Schefer opidano in Hayn emit et cum proprietate eorum comparavit — ea potissimum intentione et proposito, quod de redditibus ipsis disponere in ecclesia nostra possit et valeat, quidquid pro suae salute animae viderit disponendum — volensque praefatus dominus Conradus praepositus sui conceptum propositi in augmentum laudis et gloriae beatissimorum patronorum nostrorum, Johannis videlicet apostoli et evangelistae nec non Donati episcopi et martyris, ad quos speciali et praecipuo devotionis ducebatur affectu, sub quorum nos venerandis patrociniis iugiter militantes felicia rerum temporalium incrementa cottidie suscipimus et post huius decursum vitae lubricae, aeternae vitae gaudia eorum intervenientibus meritis et pre- cibus adipisci devote speramus, pio convertere desiderio, cupiens eos ampliori prae aliis dei sanctis in hac eorum ecclesia laudis praeconio sublimari, ipsorum octavas devote sollempnizandum duxit et sollempnizavit in hunc modum, quod festa eorum per totam octavam cum suffragiis et collectis in matutinis in missis et in vesperis more solito observentur, sed octavae festorum ipsorum in primis et secundis vesperis, in matutinis et in missis, cum praepulsatione, cum processione sive circuitu ecclesiae nostrae dumtaxat et non ad sanctam Affram, sicut in diebus festorum principalium fieri consuevit, facienda, cum cantu, cum provisione, cum sequentia ,Verbum dei' in octava beati Johannis, quod ante portam latinam communiter dicitur, decantanda et cum omni alia divini officii sollempnitate, qua festa principalia peracta sunt et agi consueverunt, per nos et nostros successores perpetuis in ecclesia nostra temporibus sollempniter peragantur. Sciens autem dominus Conradus — spiritualia sine tempo- ralibus diu subsistere non posse, praemissam suae devotionis intentionem materialibus

a) Zltzschewig, Par. Kiitzachenbrcnla.

129

duxit stipendiis, ut exinde perpetuae firmitatis robur accipiat, muniendam. Quam- obrem praedicta bona omnia nobis et ecclesiae nostrae liberaliter tradidit — et ordinavit, quod in octava beati Johannis praedicta procurator capituli nostri, seu is, cui capitulum collectionem praedictorum et aliorum suorum reddituum committendam duxerit pro tempore, dominis canonicis ecclesiae nostrae integratis et emancipatis in primis vesperis et in missa praesentibus quatuor solidos grossorum praedictorum, inclusa decima hospitalis et tribus grossis, uno videlicet pro magistro scolarium, alio pro cantanti in organis et tertio pro calcantibus in eisdem de redditibus in villa Zcficzkewicz praedictis, de quibus etiam prius alii quatuor solidi grossorum mini- strantur in anniversario pii patris nostri Bennonis — ministrare tenebitur et debebit. Vicariis quoque perpetuis et temporalibus in primis vesperis et in missa praesentibus in eadem beati Johannis octava dabit duos solidos grossorum praedictorum de reddi- tibus in Ebirsbach supradictis. In octava vero beati Donati idem procurator quatuor solidos grossorum praedictorum dominis canonicis integratis et emancipatis, in primis vesperis et in missa praesentibus inclusa decima hospitalis et tribus grossis, uno scilicet pro magistro scolarium, alio pro cantante in organis, tertio pro calcantibus in eisdem, nec non vicariis perpetuis et temporalibus similiter praesentibus de reddi- tibus in Ebirsbach praedictis duos sobdos grossorum praedictorum, sicut de octava beati Johannis praemittitur, ministrabit. Sed de nono solido Zcficzkewicz adhuc restante et superfluo idem procurator in octava beati Johannis dabit custodi unum solidum denariorum Fribergensium pro luminaribus, campanatori tantum ut sollemp- niter pulset et subeustodi sex denarios, et hoc idem faciet in octava beati Donati de solido grossorum supradicto. Residuum de redditibus in Ebirsbach praedictis tam in pecuniis, quam in pullis, in ovis et in lino suis usibus reservabit. Quamobrem prae- libatus dominus Conradus — supplicavit, quatenus supradictam eius donationem — ipsamque ordinationem — acceptare et per modum statuti perpetui pro sollempniza- tione octavarum praedictarum ratificare — curaremus. Nos igitur eius precibus — annuentes — statuimus praesentibus, quod praedictorum patronorum nostrorum beato- rum, videlicet Johannis apostoli et evangelistae, nec non Donati episcopi et martyris festa simul et octavae cum omni veneratione et sollempnitate — perpetuis debeant in ecclesia nostra temporibus inviolabiliter observari, singulaeque ministrationes, quae pro cuiuslibet octavae sollempnizatione deputatae sunt, ut praemittitur, fideliter et incommutabiliter ministrari. Ad quorum observantiam nos et nostros posteros quos- libet serie praesentium obligamus adiicientes, quod omnes et singuli vicarii ecclesiae nostrae tam temporales quam perpetui, qui dictarum distributionum volunt esse par- ticipes, missas in qualibet octavarum praedictarum de patrono, similes per omnia summae missae legere tenentur et debent illo die, alioquin omnes et singuli hoc facere iusto impedimento cessante non curantes, super quo eorum conscientias one- ramus, portionis suae medietatem perdant, inter alios missas huiusmodi legentes aequis portionibus dividendam. In quorum omnium testimonium praesentem paginam scribi et sigilli nostri capituli fecimus appensione communiri. Datum anno domini millesimo trecentesimo septuagesimo secundo sexta die mensis Augusti.

Nach dem Orig. im Stiftsarchiv zu Meissen mit dem besehadigten Siegel des Capitels an einem Pergamentstreifen.

COD. DIFL. SAX. It. 2. 17

130