Martinus episcopus — dilecto filio nobili viro Friderico seniori marchioni Mis- nensi salutem et apostolicam benedictionem. Sacrosancta Romana ecclesia, cui auctore domino licet insufficientibus meritis praesidemus, catholicos principes, prout rerum et temporum qualitas exigit, favoribus libenter prosequitur gratiosis, illos praesertim, qui procellosis temporibus ac vesana et rabida haereticorum pertumescente perfidia non solum in fidei sinceritate catholicae et illibata devotione ipsius ecclesiae immobiles persistunt, verum etiam tanquam fidei et ecclesiae praedictarum zelatores praecipui constantesque et fervidi pugiles et athletae se adversus eorumdem haereticorum furores et insanias

451

spiritualiter et temporaliter armantes causam indefessi prosequuntur crucifixi. Cum itaque sicut exhibita nobis nuper pro parte tua petitio continebat, in castro tuo Mis- nensi, quod unum de melioribus fortalitiis tui marchionatus Misnensis existit, et per quod idem marchionatus ut plurimum defenditur et a noxiis praeservatur, et in quo etiam frequentius residere soles, sit sedes cathedralis ecclesiae Misnensis, tuque diver- sorum hostium et praesertim Bohemorum tibi et dicto tuo marchionatui vicinorum, nefanda et perfida Husistarum vesania infectorum et proh dolor modernis temporibus nimium ingrassantium ac tibi propter fidei constantiam et defensionem permaxime infestorum graves patiaris incursus, propter quod tibi et successoribus tuis etiam pro conservatione status tui et subditorum tuorum tranquillitate plurimum oportunum esse dinoscitur, ut tales in eadem ecclesia ad illius praebendas in canonicos pro tempore recipiantur et admittantur, qui tam dictae ecclesiae utiles quam etiam tibi et eisdem successoribus intimi et fidi per omnia comprobentur, quodque in dicta ecclesia quin- decim maiores et nonnullae aliae minores canonicales praebendae fore noscantur, qua- rum quidem maiorum praebendarum una videlicet patronatus et quatuor ex privilegio sedis apostolicae speciali praesentandi personas idoneas ad easdem dum vacant in canonicos ipsius ecclesiae ius tu et dicti successores tui habere dinoscimini, et qua- rum etiam duae cum suis canonicatibus per certas personas in studio opidi Lipczensis Merseburgensis diocesis regentes obtinentur pro tempore, reliquae vero octo ex maio- ribus praebendis huiusmodi, quarum collatio et provisio ad dilectos filios . . decanum et capitulum dictae ecclesiae de antiqua et approbata ac hactenus pacifice observata consuetudine communiter pertinere dinoscuntur, nonnunquam personis tibi ignotis prorsus ac incolis dicti castri minus acceptis et etiam quandoque suspectis collatae fuere, et quas etiam imposterum similibus personis in tui et suceessorum tuorum status commotionem subditorumque praedictorum unitatis ac pacis et quietis discidium con- ferri formidas. Quare de statu tuo et subditorum tuorum salute merito solicitus, et ut etiam dictam ecclesiam, cuius fere onmes fructus redditus et proventus infra terras marchionum Misnensium temporali dominio subiectas consistunt, et quam tu in suis iuribus continue protegis et defendis illique et personis ipsius tibi fide et devotione probatis alias frequenter plura impendis bona, uberioribus liberalitatis impendiis peramplius prosequi et iugiter ad illam fructuosiores tuos extendere promptius ani- meris affectus, nobis humiliter supplicasti, ut tibi et eisdem successoribus tuis ius patronatus praesentandi personas idoneas ad tres alias maiores praebendas ex reliquis octo praebendis huiusmodi, quam primum illas ex nunc simul vel successive vacare contigerit, perpetuo concedere et reservare de benignitate apostolica dignaremur. Nos igitur integritatem fidei et zelum christianae religionis, quibus inter ceteros catholicos principes clarere dinosceris, labores quoque et pericula plurima, quae potenter et viriliter in dictis seditiosis et perfidis Husistis resistendo illosque impugnando et reprimendo subire non desinis, prompta benivolentia recensentes, ac volentes tuum circa defensionem fidei et ad benefaciendum eidem ecclesiae Misnensi peramplius excitare affectum, huiusmodi supplicationibus inclinati ius patronatus trium aliarum maiorum praebendarum ex reliquis octo praebendis huiusmodi ex nunc primo simul vel successive vacaturarum cum totidem canonicatibus et plenitudine iuris canonici

57*

452

ac omnibus aliis iuribus et pertinentiis suis tibi et eisdem successoribus auctoritate apostolica tenore praesentium perpetuo concedimus et etiam reservamus, ita quod deinceps perpetuis futuris temporibus, quocienscunque alias tres praebendas huiusmodi cum suis canonicatibus per cessum vel decessum eiusdem ecclesiae canonicorum ipsas pro tempore obtinentium vel alias quomodolibet vacare contigerit, tu et successores praedicti ad singulas ipsas tres praebendas pariformiter sicut ad quatuor alias prae- bendas supradictas personas idoneas, quas ad id duxeritis eligendas, etiam si quae- libet personarum ipsarum unum duo tria aut plura beneficium seu beneficia ecclesia- sticum vel ecclesiastica obtineat, illi vel illis cuius seu quorum iuterest per eum seu eos in canonicos ipsius ecclesiae instituendas libere et licite praesentare valeatis, ali- cuius licentia super hoc minime requisita, non obstantibus praedicta cui quoad tres alias praebendas huiusmodi duntaxat derogare volumus, et quibusvis aliis consuetu- dinibus ac statutis dictae ecclesiae, illis praesertim, quibus caveri dicitur, quod nullus inibi maiorem praebendam assequi valeat, nisi de minori praebenda ad maiorem prae- bendam huiusmodi gradatim et per optionem ascendat, contrariis iuramento confirma- tione apostolica vel quacunque firmitate alia roboratis, aut si aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant, seu si super provisionibus sibi faciendis de canonicatibus et praebendis in dicta ecclesia speciales aut aliis beneficiis ecclesiasticis in illis partibus generales dictae sedis vel legatorum eius litteras impetrarint, etiamsi per eas ad inhibitionem reservationem et decretum vel alias quomodolibet sit processum, quas quidem litteras ac processus habitos per easdem et quaecunque inde secuta ad praefatos tres canoni- catus et praebendas volumus non extendi, sed nullum per hoc eis quoad assecutionem canonicatuum et praebendarum aut beneficiorum aliorum praeiudicium generari, et quibuslibet privilegiis litteris et indulgentiis apostolicis generalibus vel specialibus quorumeunque teuorum existant, per quae praesentibus non expressa vel totaliter non inserta effectus earum impediri valeat quomodolibet vel differri, et de quibus quorum- que totis tenoribus habenda sit in nostris litteris mentio specialis. Nos enim exnunc irritum decernimus et inane, si secus super his a quoquam quavis auctoritate scienter vel ignoranter contigerit attemptari. Nulli ergo etc. Si quis autem etc. Datum Romae apud sanctum Petrum X. Kal. Januarii pontificatus nostri anno quinto.

Arnoldus.

Nach dem Orig. im K. Haupt-Staatsarchiv zu Dresden mit dem Bleisiegel an Faden vou rother und gelher Seide.