Ich Hencze Kelle vnd Fricze Dragosch burgere zcum Hayne obir Elbin, wir bekennen in disem offin brife vor allin den, di en sehin horen adir lesin, daz wir mit dem erbern vnd wisin vnserm frunde, meistir Frideriche Dragosche, ouch bur- gere zcum Hayne vnd vor en yn guten truwen mit gesamptir hand vnd ane allis arg vnd geuerde den erbern herren deme techande vnd deme capitil der kirchin zcu Misne recht vnd redelich globit habin vnd globin in disem brife vor eyne gute vnd rechte gewere alle der zcinse vnd gfitere gelegin in deme dorfe zcu den 6bern Re- dirn in deme Heynischen gerichte, di des egnanten vnsers frundis gewest sin vnd di her den egnanten herren vorkouft hat, alzo daz wir der selbin zcinse vnd gfitere in allir malte, alz sy der egnante vnser frund noch lute synes brifes verkouft hat, weren sullin vnd wollin di egnanten herren den . . techand vnd daz capitil zcu Misne, als des landis gewonheit vnd recht ist, ane alle widirrede. Dez zcu orkunde vnd offin bekentniCe habin wir vnsere insigele mit gutem willin vnd wissin an disen brif laCin hengen, der gegeben ist zcum Hayn, noch Cristi geburte driczenhundirt iar, in deme dry vnd achtczigistem iare am nehestin fritage vor sente Donati tage dez heiligin bischofes.

Xach dem Orig. im Stiftsarchiv zu Meissen mit zwei Siegeln an Pergamentstreiien.

208

•