Wir Rudolph von gotis gnaden bisschoff zcu Missen bekennen — als vnsir nehist vorvarn bisschoff Thyme selige gedechtnis vorkoufft hatte den gestrengen Otten vnd Albrechte, Hans vnd Daniel von Hugewicz vnd eren rechtin erben das dorff genant dy Nedir Poczkow") vnd das kirchleen do selbist myt allen yren rechtin vnd richtin obirsten vnd nedirsten, myt allen renten vnd gevellen, myt allen beten vnd reynen vnd molen vnd wasserlouften, strucheu vnd pusschen, mit wisschereyn vnd allin andirn zcugehorungen, wy man dy benennen mag, als is an dy kirche komen ist vnd als is dy kirche bys an dy selbige cziit besessen hat nichtis nicht usgenomen, ane usgeschlossen dy wese dye neden an dem dorffe gelegen ist, vnd ane den walt, der zcu dem selbigin dorffe gehorit, dy wese vnd den selbigin walt yn dem vorgnanten kouffe vsgeczogen hat, vnd en das gegebin hat vmbe czweihundirt vnd dryCig schog grosschen Bemischir muncze vnd Polenischer czal, der sy em ouch bereit nuczlichin beczalt hatten, doch myt sulchir vndirscheit vnd fruntschaft, dy sy der kirchin vnd eynem bisschoff zcu Missen adir eyme cappittel, ab nicht bisschoffs were, das egenaute dorff dy Nedirpoczkow wedirkouffen mogen, das sullen sy ouch wedir zcu kouffe gebin vor czweyhundirt vnd drysig schog Bemischir grosschen. Uuch sullen sy us der gewere nicht bracht werden des dorffis —. Den selben kouff wir nach rate vnd willen vnsirs cappittels globin yn vor vns vnd nachkomelinge bisschoffen zcu gecziten yn allen synen stucken vnd artikelen stete vnd gancz zcu haldene ane arg vnd geverde.

Nach dem Liber Rudolphi fol. 7b im Stiftsarchiv zu Meissen.

a) Pulzkau. Eph. Bidchof^werda.