In nomine domini amen. Etsi quaelibet pietatis opera etc. — Hinc est quod nos Johannes dei gratia Misnensis ecclesiae episcopus notum facimus — quod quia magnificus princeps dominus Lodewicus Romanus Brandenburgensis et Lusatiae mar- chio, sacri Romani imperii per Germaniam archicamerarius, comes palatinus Reni et Bavariae dux piae devotionis zelo, quem ad ecclesiam nostram praedictam gerere videbatur, illectus, attendens sagaciter et considerans, quod archidiaconatus Lusatiae dignitas est in ecclesia Misnensi nec consuevit per aliquem alium quam per canonicum de gremio capituli Misnensis existentem haberi, quodque propter longam distantiam terrae Lusatiae a civitate Misnensi, in qua archidiaconus Lusatiae pro tempore, cum domum aut receptaculum aliquod in Lusatia non habeat, continuam moram trahit, homines et incolae eiusdem terrae tam clerici quam laici pro negotiis et causis suis non solum maioribus, sed et minimis peragendis oportet non sine magnis et pericu- losis laboribus et expensis per multa viarum discrimina civitatem Misnensem fere cottidie visitare, volensque in eo suis subditis et ipsius archidiaconatus inopiae pie consulere et ipsorum providere commodo et quieti, ius patronatus, quod in ecclesia parrochiali sive praepositura in Lubbin in archidiaconatu praedicto sita aut ius prae- sentandi rectorem ad eandem habere noscebatur, de consensu et conniventia illustrium principum dominorum Friderici, Balthazar et Wilhelmi Thuringiae lantgraviorum et marchionum Misnensium, qui terram Lusatiae cum universis suis pertinentiis titulo pignoris tunc habebant, ecclesiae nostrae praedictae dedit, appropriavit et donavit ad hunc finem, quod ecclesia eadem sive praepositura cum omnibus suis pertinentiis archidiaconatui Lusatiae praedicto per nos incorporaretur, annecteretur et uniretur per archidiaconum ipsius pro tempore perpetuo possidenda, fuitque nobis per honora- bilem virum Conradum Prfize canonicum ecclesiae nostrae et archidiaconum Lusatiae modernum super incorporatione et unione huiusmodi facienda humiliter supplicatum.

Nos igitur — multos propter hoc et diversos cum capitulo nostro super unione huius- modi facienda, certis super eo indictis capitulis tractatus habuimus et tandem certo certius invenimus, quod cum ecclesia in Lubbin plures redditus et bona a se longe distantes et distantia habeat, sicque per consequens per aliquem rectorem alium adeo utiliter et bene quam per archidiaconum Lusatiae occasione iurisdictionis ecclesiasticae, quam per totum archidiaconatum habere noscitur, gubernari et conservari nequeat in suis iuribus et honore, et etiam ipse archidiaconatus non solum tenues immo nullos pene certos redditus obtineat, non solum utilitas, verum efiam evidens necessitas utriusque beneficii tam archidiaconatus quam ecclesiae in Lubbin praedictorum in causa esset, quae animum nostrum movere merito deberent ad petita concedendum, et ideo nos tam pium tamque devotum dicti principis propositum praefatique domini Conradi archidiaconi supplicem interventum audientes ipsumque effectu frustrari indignum aestimantes, praedictam praeposituram sive parrochialem ecclesiam in Lubbin cum agris cultis et incultis, villis, pratis — cum iure patronatus — archidiaconatui Lusatiae praelibato propter ipsius paupertatem notabilem de unanimi et concordi capi- tuli nostri consensu incorporamus — iuribus episcopalibus consuetis dumtaxat pro nobis et nostris successoribus episcopis Misnensibus et legatorum sedis apostolicae procurafionibus, neenon congrua de ipsius ecclesiae proventibus pro presbytero eidem ecclesiae deservire debenti pro tempore portione inibi reservatis. Et ne tractu tem- poris oblivio etc. — Actum et datum in castro nostro Stolpin anno domini millesimo tricentesimo sexagesimo secundo in die beatorum Ypoliti et sociorum eius martyrum, quae fuit XIII. dies Augusti, praesentibus strenuo milite Nicolao dicto Kuchenmeystir avunculo nostro, neenon honorabilibus viris Lutoldo de Stuternheym et Siffrido Hanf- muz1) canonicis ecclesiae Wurczinensis, Petro de Medewicz curiae nostro magistro et Theoderico de Kempnicz notariis et capellanis nostris et aliis servitoribus et clien- tibus testibus ad praemissa vocatis.

Et nos Albertus praepositus, Theodricus decanus totumque capitulum ecclesiae Misnensis — unanimiter et concorditer consentiendum duximus et consensimus et in eiusdem consensus nostri evidentiam sigillum capituli nostri huic paginae decrevimus appendendum.

Nach zwei Originalen im Stiftsarchiv zu Meissen mit den Siegeln des Bischofs und des Capitels an Pergamentstreifen.

1) dicto Han/mUa B.