Wir Thyme von Koldicz der eldere vnd her Heinrich vnser svn herrin da selbins zcue Koldicz bekennen offinlich an dysim keginwertigen brife allen den dy in sehen adir horin lesin, daz wir mit guten willen vnde wolbedachtim m1tte haben vor- kouft vnser manschaft vnde lengut, dy wir hattin in dem gerichte zcue dem Hayn dem erwerdigen herrin vnde vatere in gote herrin bischofe Johanse zcue Missin, dy wir von ym obirst vnde syme gotishuse zcue lehene hattin, daz da trit an gelde vnde an korne an gewonlicher achtunge vf zcwey vnde drysik schok, vnde des selbin lengutis hat Syfart von Wachowc zcue mittiln Erbirsbach an zcwen hufen zcue zcinse virczik grosschin vf sente Walpurge tak vnde virdehalben schillink grosschin vf sente Michels tak, vir clobin vlachs, nvn schefele corns, zcen schefele hafirn Radeburs masis, vnde iz der schefil corns geslayn vf dry grosschin vnde der schefil hafirn vf eynyn grosschin an dem getreyde vnde an allim andirn daz hir noch geschriben stet, vven iz allis Radeburs mas ist. Friderich von Wachow" hat ouch in dem selbin dorf

43

zcue mittiln Ebirsbac' eyne hufe, da zcinst man ym von ane zcwene grosschin eyne mark; Thyme von Grunenrode hat zcue obirstin Ebirsbach drittehalbe hufe, da zcinst man ym von zcwelf schillinge grosschin vnde zcwene grosschin, dry schefele corns vnde dry haferin, eynen clobin vlachs, ouch hat her eyn lenphert vf eynre hufe, daz iz geslayn vor eyne mark. Gorge der burgermeister zcue dem Hayn hat zcua dem mittiln Ebirsbach eyne hufe, da zcinst man ym von eyne mark, zcwene kese vnde eynen clobin vlachs. Henschil Ebirsbach hat zcue obirn Ebirsbach zcwe hufe, da zcinst man ym von nvn schillinge grosschin, zcendehalbin schefil corns vnde zcene hafirn vnde vir clobin vlachs. Heinrich Lengefelt hat zcue obirn Ebirsbach von eynre hufe sechs vnde virczik grose. Nickil Schefers hat zcue mittiln Ebirsbach dry mark geldis von dren hufen, zcwene schefele corns vnde zcwene hafirn. Rein- hart von B6yl hat da selbins von cynre hufe vyr schillinge groschin vnde drye gros- schin phluk phennynge, andirhalbin schefil corns vnde alzo vil hafirn. Gunther Drogiiz hat zcue obirn Ebirsbach eylf mark geldis, achczen schefele corns vnde alzo vil hafirn; derselbe Gunther hat zcu den obirn Redirn funf mark geldis, eynvude- zcwenczik schefele corns vnde alzo vil hafirn. Nue habe wir ym dy selben zcwey- vndedrysik schok gelasin vnde gegebin ouch vor zcweyvndedrysik schok breyter grosschin alzo daz sich geb6rt eyn schok vor daz andere, vnde haben ym dy selbe manschaft vnde daz gut vf gelasin vnde dy man der hulde ledik gelasin, dy sy vns getan hattin, vnd an yn vnde an sin gotishf1z gewist recht vnde redelich mit sulcher vnderscheyt, moge wir daz selbe gfit vnde dy manschaft wider gekoufin in den nestin vyr winacht heyligen tagen, dy da zcukumftik sint adir da vor, daz vnser egenante herre der bischof vns daz wider zcu koufene sal gebin vmme zcweyvndedrisik schok, alz her iz zcue vns vor gekouft hatte ane widersprache. Were ouch daz wirs vor der zcit nicht widerkouftin alze beschriben stet, zo vorczy wir vns an der selben manschaft vnde gute allir ansprache vorderunge vnde rechtis, ab wir der keyns dar an gehabin mochtin, mit guten willen an allis ark, vnde sal daz selbe gut vnde man- schaft vnsers herrin des bischofs vnde siner nochkomelinge vnde dez gotishusis zcue Missin rechte gut vnde eygin sin mit allin erin, alz wirs gehat haben, vnde geben dez zcue orkunde dysin brif mit vnser beyder ingesigil vorsigilt, der gegeben ist noch gotis geburt dryczenhundirt iar in dem eynvndesechczigisten iare am dinstage vor Walpurgis.

Nach dem Orig. im K. Haupt-Staatsarchiv zu Dresden mit den beschadigten Siegeln Thymos und Hein- richs von Koldicz an Pergamentstreifen.