Wir Rudolff von gotis gnaden bisschoff, Wenczlaw tumprobist, Johannes techand vnd das gancze capittel der kirchen zcu Misen bekennen —. Alzo vor gecziten der erwirdige in got vater vnd herre er Johannes bisschoff zcu Misin seligis gedechtenis vor sich vnd sine kirche vnd nachkomen wedir die hochgeboren fursten hern Frederiche, Balthazar vnd Wilhelme lantgrafen in Doringen vnd marcgrauen zcu Misen ouch seligis gedechtenisses zcweihundert schog grosschen uf desin nach- geschreben iren stetin, zcu Lipczk sechczig schog groschen, zcu Torgaw virczig schog, zcu Missin funfczig schog vnd zcum Hayne ouch funfczig schog alles ierliches zcinses vor virvndczwenczighundert schog recht vnd redelichen uf eynen wedirkouff

CoD. DIPL. SAX. II. 2. 47

370

gekouft hatte nach lute der briefe, die dar obir gegebin syn, das wir den hochgeboren fursten hern Frederiche vnd hern Wilhelme gebrudern, des egenanten hern Frederichs sonen vnsern genedigen herren gegunst haben, uf iren stetin zcu Lipczk sechczig schog, zcu Torgaw virczig schog, vnd an irem teyle der stad zcu Misen funfund- czwenczig schog alles ierlichir zcinse widir abe zcu koufen, die sie vns ouch gereyte vmbe funfczenhundert schog abe gekouft vnd vns der selbin summen achtehalbhundert schog imczlichen vnd wol beczalt haben, die wir ouch an vnsers goczhuses nucz vnd kuutlichen fromen gewant habin; vnd sagen sie vnd ere erbin der egenanten summen geldis achtehalbhundert schog quied ledig vnd los mit craft desis briefis, vnd sie sullen vns die andern achtehalbhundert schog beczalen uf sente Michels tag schirst kommen. Were ouch, das das andir halbe teyl der stad zcu Misen vnd die stad zcum Hayne, die iczunt vnser genediger herre er Frederich dcrjunger lantgraffe in Doringen vnd marcgraue zcu Misen ynne hat, an die vorgenanten hern Frederich vnd hern Wilhelme syne vettern queme, in welchir maCe das geschege, so sullen vnd wollen wir yn zcu losunge siczen mit den audern czinsen zcu Misen vnd zcum Hayne nach lute der alden briefe, die vor dorobir gegeben syn. Des zcu orkunde haben wir Rudolff bisschoff zcu Misen vnser ingesigil, vnd wir Wenczlaw tumprobist, Johannes techand vnd gancze capitrel da selbis zcu Misen vorgenanten vnsers capit- tels ingesigil wissentlich an desin brieff lasin hengen, der gegeben ist noch gotis gebort virczenhundert iar darnach in dem eylften jare am nehesten montage vor sente Johannes tage des t6ufers.

Nach dein Orig. im K. Haupt-Staatsarchiv zu Dresden init den Siegeln des Bischofs und des Capitels an Pergamentstreifen.