In nom. s. et ind. trin. amen. Cum pastorali iure intersit fidelium votis etc. Nos igitur Rudolffus dei et apostolicae sedis gratia episcopus' Misnensis publice recognoscimus — quia honorabiles viri domini testamentarii felicis memoriae domino- rum Johannis Poczte, olim decani ecclesiae Misnensis et magistri Nicolai Czoboth de Gubin olim archidiaconi Nisicensis et canonici eiusdem ecclesiae Misnensis sacrae theologiae professoris fideliter intendentes exequi ut tenentur ultimam voluntatem de bonis per eos relictis et ad sequentia deputatis, nec non venerabilis dominus Stephanus Moir, custos et canonicus ecclesiae Misnensis de bonis a deo sibi collatis ad honorem omnipotentis dei suaeque intemeratae genitricis ad laudemque gloriosissimi Ieronimi confessoris et beatae Katherinae virginis et martyris venerandae de consilio et volun- tate venerabilium virorum et dominorum Johannis de Slynicz praepositi, doctoris decretorum, Nicolai decani totiusque capituli ecclesiae Misnensis ac nostro consensu nihilominus accedente, altare novum in ecclesia Misnensi circa columpnam proximam altaris sanctorum Cosmae et Damiani versus occidentem erexerunt — congruisque redditibus et stipendiis ipsum liberaliter dotaverunt ad instaurandum ibidem novum beneficium perpetuae vicariae sub titulo et vocabulo sanctorum Ieronimi et Katherinae sub modo tamen oneribus et conditionibus inferius annotatis, videlicet quod dictam vicariam post primum institutum quotienscunque vacaverit per cessum vel decessum perpetuis futuris temporibus habere et regere debebit honesta persona in sacerdotio constituta et praedicator notus et approbatus, qui diebus dominicis et festivis ad bene- placitum decani et capituli sermonem ad vulgus seu in vulgari facere tenebitur et debebit. Item praedicator pro stipendio et sustentatione congrua habebit redditus infra scriptos; etiam ad perpetuam residentiam sit astrictus nec absentiam habere debebit propter onera dicto beneficio annexa, nisi ex iustis rationabilibus et arduis causis coram decano et capitulo proponendis intenderet esse absens. Et si decanus cum capitulo huiusmodi causas absentiae iustas et rationabiles senserint, extunc decanus — absentiam per tres menses dumtaxat sibi indulgebit, dummodo idem praedicator medio tempore tam de sermonibus faciendis, — quam officiatura istius altaris de scitu et licentia decani id curaverit disponendum. Si vero dictus praedicator ultra tres menses suam absentiam continuaverit, expectatus post hoc per VI dies integros et continuos, si non revenerit, extunc dicta vicaria censebitur vacare alteri ad hoc offi- cium idoneo constituto in sacerdotio conferenda. Verum si praedicto beneficio suoque officio annexo fideliter exercendo haberi poterit graduatus in theologia vel iure cano- nico vel saltem baccalaureus in una harum facultatum, dummodo per capitulum con

443

corditer fuerit nominatus et electus, patronus huius officii ad honorem ecclesiae prae- tactam vicariam illi prae aliis ad petitionem capituli conferat decano — praesentandum. Si vero talis praedicator tempore vacationis commode haberi non possit, extunc tam capitulum quam patronus huius vicariae ordinem, formam et modum supradictum ad providendum de rectore huius beneficii observabunt. Ius patronatus dictae vicariae iuxta intentionem fundatorum ad rectorem scolarium scu magistrum puerorum ecclesiae Misnensis, quotienscunque vacare contigerit, perpetue pertinebit, sic tamen quod ille conferat dictam vicariam seu praesentet ad ipsam vicariam decano Misnensi — insti- tuendam personam idoneam, sacerdotio — constitutam, quae velit vel possit et debeat — in ecclesia Misnensi praedicationis officium exercere, proque persona seu praedi- catore idoneo et approbato capitulum ecclesiae Misnensis petierit, et hunc per capitu- lum sic concorditer electum et nominatum dictus rector scolarium seu patronus ipsius vicariae domino decano — pro institutione canonica recipienda absque difficultate et conditione tenebitur praesentare, item quod praesentatus decano faciet obedientiam manualem. Praefatus vero vicarius seu praedicator ad quatuor missas per ebdomatam sit astrictus, quarum una omni septima die, qua placuerit, debet esse pro defunctis, alias tres de sanctis vel de tempore ad ipsius beneplacitum celebrabit. Primo in villa Ybenwicz et in villa Tenschicz') VIII sexagenae grossorum novorum et XLIX grossi cum septem hallensibus eiusdem monetae Fribergensis per dictos dominos testamenta- rios ab illis de Honsberg de consensu nobilis domini Heinrici burgraffii Misnensis domini pheudi dictorum bonorum de relictis praetacti magistri Nicolai de Gubin ad reemptionem realiter comparatae, prout litterae originales desuper confectae id edocent manifeste. Item duae sexagenae census perpetui de vinea ecclesiae Misnensis quae dicitur der Jodenberg et de aliis bonis comparatis per bonae memoriae Johannem Poczte olim decanum Misnensem ad dictum beneficium pertinebunt. Item una sexa- . gena cum XVI grossis perpetuorum censuum per ipsum dominum Stephanum com- parata, quorum sex solidi iu festo beati Michaelis cum duobus caponibus per molen- dinatorem in Schrempseniczb) qui pro tempore fuerit solvuntur, et IIII gr. cum duobus pullis in eodem festo Michaelis de hereditate Wenczeslai Schreyer ibidem in Schrempse- nicz omni anno persolventur. Item una sexagena gr. Fribergensium perpetui census in villa Beriniczc) per dictum dominum Stephanum empta ad praefatum beneficium seu ipsius rectoris perpetue spectabit. Item V sexagenae grossorum Bohemicalium per memoratum dominum Stephanum de consensu et voluntate nostra et nostri capi- tuli in Bischoffwerde ad reemptionem comparatae in dotem praedicto altari nihilominus sunt donatae. Quarum quidem V sexagenarum ultimo positarum vicarius pro tempore existens ad requisitionem opidanorum in Bischoffwerde iuxta naturam sui contractus reemptionem denegare non debet ac ipsis receptis litteram desuper confectam reempto- ribus restituere tenebitur cum effectu. Qui omnes redditus ad ipsum novum benefi- cium pertinentes constituunt in summa XVIII sexag. VIII gr. et VH hallens. cum duobus caponibus et duobus pullis, inclusis distributionibus et ministrationibus de voluntate et dispositione fundatorum dicti beneficii per vicarium seu rectorem huius- modi novi beneficii — faciendis. Praefatus vicarius pro festo beati Ieronimi mini-

a) Ibanitz und Dennschiitz, Par. Staucha. b) Vgl. No. 746 c) Peritz, Eph. Grossenhain.

56»

444

strabit omni anno in die sancti Ieronimi pro dominis canonicis integratis et emanci- patis in vesperis et in missa praesentibus unam sexagenam grossorum, vicariis per- petuis et temporalibus dimidiam sexagenam grossorum, pro custode quatuor grossos propter lumina ponenda, subeustodi unum grossum, campanatori ut bene piUset duos grossos, rectori scolarium ut cum pueris fideliter intersit horis canonicis I gr., can- tanti in organis I gr., calcantibus in eisdem I gr., choralibus IIII gr., succentori ecclesiae ut diligenter suum officium exerceat in choro in hac sacra sollemnitate beati Ieronimi II gr., substituto eiusdem VI hallenses; item pro legentibus missas illo die XII grossos. Item in festo spineae coronae domini per praefatum dominum Stepha- num sollemnisari procurato idem vicarius qui pro tempore fuerit omni anno XV gr. ministrabit. Item propter restaurum vicariis perpetuis et temporalibus inchoandum praetactus vicarius qui pro tempore fuerit II sexagenas simul vel successive ad bene- placitum dominorum vicariorum seu certis temporibus, prout ipsis vicariis placuerit, annis singulis ministrabit. Et quia venerabiles viri praepositus et decanus supradicti totumque capitulum — nobis — supplicarunt, quatenus erectionem — nec non ordi- nationem praemissam ratificare et approbare ac dictum altare et redditus ipsius eccle- siastici beneficii titulo et iuris praesidio insignire nostraque auctoritate ordinaria con- firmare generosius dignaremur, nos Rudolffus episcopus — salubre propositum ac sanctam intentionem dictorum dominorum in domino plurimum collaudantes — auctori- tate nostra ordinaria omnia praemissa in dei nomine confirmamus, et hac sanxione in perpetuum valitura statuimus, rectores altaris ad observantiam omnium praemissorum astringi debere et obligari, hoc obtento moderamine, quod primus duntaxat vicarius ad istud novum altare institutus a sermonibus ad volgus ut praemittitur faciendis et a perpetua residentia habeatur de gratia supportatus. Et ut praemissa nostrae con- firmationis auctoritas inconvulsa et integra servetur et illibata iugiter perseveret, sigil- lum nostrum autenticum praesentibus duximus appendendum. Acta sunt haec in castro nostro episcopali Stolpin anno domini millesimo CCCC. XIX. feria sexta ipso die sancti Matthiae apostoli gloriosi.

Et nos Johannes de Slynicz praepositus decretorum doctor, Nicolaus de Hey- nicz decanus, Caspar de Schonenberg archidiaconus Nisicensis, Waltherus de Koke- ricz archidiaconus Lusaciae, Nicolaus Czigeler praepositus Wurczinensis, Johannes de Malticz scolasticus et Hermannus Radestok cantor canonici, totumque capitulum ecclesiae Misnensis — consensum nostrum capitulariter adhibuimus et praesentibus expresse favorabiliter adhibemus, ideoque in evidens testimonium huiusmodi nostri consensus sigillum nostri capituli de certa nostra scientia huic litterae confirmationis duximus appendendum, sub anno domini millesimo CCCC.XIX ipso die Mathiae apostoli prout superius est expressum.

Nach einer Abschrift aus dem Liber Theodorici fol. 48 in Grundmann cod. dipl. ep. Misn. VI. fol. 1540 im K. Haupt-Staatsarchiv und einem Excerpt aus demselben Liber Theod. in Ursinus dipl. Misn. I. fol. 437 in der K. offentl. Bibliothek zu Dresden, wobei jedoch mehrere offenbare Fehler corrigirt worden sind.

445