Bonifacius episcopus servus servorum dei ad perpetuam rei memoriam. Exi- miae devotionis sinceritas, quam dilectus filius nobilis vir Wilhelmus senior marchio Misnensis ad nos et Romanam gerit ecclesiam, ac eius status eminentia promeretur, ut non solum ipsum, sed etiam illos, qui ei studio devotionis et fidelitatis adhaerent, apostolicis favoribus et gratiis prosequaniur. Sane petitio pro parte dicti marchionis nobis nuper exhibita continebat, quod in castro suo in Misna, quod unum de melio- ribus fortalitiis sui marchionatus existit et per quod idem marchionatus ut phirimum defenditur et a noxiis praeservatur, sit sedes cathedralis ecclesiae Misnensis sub vocabulo sancti Donati dedicata , cuius quidem ecclesiae Misnensis quasi omnes fructus et proventus de territorio marchionum Misnensium provenire noscuntur, quodque mar- chioni Misnensi pro tempore existenti summe necessarium fore dinoscitur, in dicta ecclesia aliquos habere canonicos, qui velut praecipui zelatores status et honoris dicti marchionatus ipsi marchioni sedulis studiis assistant et debita fidelitatis obsequia impendant. Quare pro parte eiusdem marchionis nobis fuit humiliter supplicatum, ut ius patronatus quatuor canonicatuum et totidem praebendarum maiorum, quos primum in dicta ecclesia, in qua maiores et minores praebendae fore noscuntur, vacare conti- gerit et praesentandi personas idoneas ad eosdem dum vacabunt, sibi ac successoribus suis marchionibus Misnensibus, qui pro tempore fuerint, imperpetuum reservare de benignitate apostolica dignaremur. Nos igitur volentes eiusdem marchionis honorare personam et per honorem sibi exhibitum aliis etiam provideri, huiusmodi supplicatio- nibus inclinati ius patronatus quatuor canonicatuum et totidem praebendarum maiorum, quos primum in dicta ecclesia vacare contigerit, cum plenitudine iuris canonici ac omnibus iuribus et pertinentiis suis marchioni et successoribus praefatis auctoritate

286

apostolica tenore praesentinm ex certa scientia perpetuo reservamus, ita quod deinceps perpetuis futuris temporibus, quocienscunque eosdem quatuor canonicatns et prae- bendas per cessum vel decessum canonicorum illos obtinentium vel alias quomodolibet simul vel successive contigerit vacare, marchio et successores praedicti ad singulos quatuor canonicatus et maiores praebendas huiusmodi singulas personas idoneas, quas ad id duxerint eligendas, etiam si quaelibet personarum ipsarum unum vel duo seu tria aut plura beneficium seu beneficia ecclesiasticum seu ecclesiastica obtineat, illi vel illis, cuius seu quorum interest, per eum seu eos in canonicos ipsius ecclesiae instituendos libere et licite valeant praesentare, diocesani loci vel alterius cuiuscunque licentia minime requisita; non obstantibus quibuscunque constitutionibus apostolicis' nec non statutis et consuctudinibus ipsius ecclesiae, illis praesertim, quibus caveri dicitur, quod nullus inibi maiorem praebendam assequi valeat, nisi de minori prae- benda ad maiorem praebendam gradatim et per optionem ascendat, contrariis iura- mento confirmatione apostolica vel quacunque firmitate alia roboratis, aut si aliqui apostolica vel alia quavis auctoritate in eadem ecclesia in canonicos sint recepti vel ut recipiantur insistant, seu si super provisionibus sibi faciendis de canonicatibus et praebendis in dicta ecclesia speciales, aut aliis beneficiis ecclesiasticis in illis partibus generales apostolicae sedis vel legatorum eius litteras impetrarint, etiam si per eas ad inhibitionem, reservationem et decretum vel alias quomodolibet sit processum; quas quidemlitteras, etiam [si] cum simplici vel alia quavis antelationis praerogativa in genere vel in specie per nos concessae fuerint vel imposterum concedantur, ac processus habitos per easdem et quaecunque inde secuta ad praefatos quatuor canonicatus et praebendas volumus non extendi, sed nullum per hoc eis, quoad assecutionem canoni- catuum et praebendarum aut beneficiorum aliorum, praeiudicium generari, et quibus- libet privilegiis litteris et indulgentiis apostolicis generalibus vel specialibus quorum- cunque tenorum existant, per quae praesentibus non expressa vel totaliter non inserta effectus earum impediri valeat quomodolibet vel differri, et de quibus quorumque totis tenoribus habenda sit in nostris litteris mentio specialis, seu quod idem marchio ius patronatus praesentandi ad certam aliam ipsius ecclesiae praebendam, dum et quo- tiens casus vacationis ipsius occurrit, noscitur obtinere. Nos enim exnunc irritum decernimus et inane, si secus super his a quoquam quavis auctoritate scienter vel ignoranter contigerit attemptari. Nulli ergo omnino hominum liceat hanc paginam nostrae reservationis, voluntatis et decreti infringere vel ei ausu temerario contraire. Si quis autem hoc aftemptare praesumpserit indignationem omnipotentis dei et bea- torum Petri et Pauli apostolorum eius se noverit incursurum. Datum Romae apud sanctum Petrum II. Idus Decembris pontificatus nostri anno undecimo.

S. de Aquila. Registrata per A. de Cumis.

M. de Nouaria.

Auscultata per me Jac. de Terim. litterarum apostolicarum registratorem et concordat cum registro.

Gerlacus.

Nach dem Orig. im K. Haupt-Staatsarchiv zu Dresden. An Faden von rother und gelber Seide h,ingt das Bleisiegel.

287