Innocentius episcopus — ad futuram rei memoriam. Rationi congruit et convenit honestati, ut ea quae de Romani pontificis gratia processerunt, licet eius superveniente obitu litterae apostolicae super illis confectae non fuerint, suum consequantur effectum. Dudum siquidem felicis recordationis Bonifacius papa VIIII. praedecessor noster venerabilis fratris nostri Thimonis episcopi Misnensis, qui ut asserebat ad sanctum Erasmum martyrem et pontificem singularem gerebat devotionem, et in honorem et sub vocabulo eiusdem sancti Erasmi et sanctae Barbarac virginis et martyris quan- dam capellam in castro Stolpen Misnensis diocesis fundare et aedificare inceperat, eam cum aliorum Christi fidelium elemosynis dotare proponebat, supplicationibus inclinatus auctoritate apostolica videlicet III. Kal. Septembris pontificatus sui anno quintodccimo statuit et voluit ipsius sancti Erasmi festum ad instar alterius martyris et pontificis festi celebris per sedem apostolicam instituti de cetero in ecclesia et civitate Misnensi ac dicta diocesi celebrandum, universis et singulis ecclesiarum prae- latis et rectoribus ac personis ecclesiasticis quibuscunque secularibus et regularibus, exemptis et non exemptis per ipsas civitatem et diocesim constitutis in virtute sanctae obedientiae districtius iniungendo, ut festum eiusdem sancti Erasmi de cetero singulis annis ad instar eiusdem alterius martyris et pontificis deberent solemniter honori- ficentia debita celebrare, ut ipsi ex huiusmodi honore dicto sancto Erasmo martyri et pontifici in praesenti seculo exhibendo ipsius pia intercessione mererentur assequi aeterna praemia et sempiterna gaudia in excelsis, constitutionibus apostolicis et aliis contrariis non obstantibus quibuscunqr.e. Ne autem pro eo, quod super statuto et voluntate huiusmodi dicti Bonifacii VIIII. praedecessoris superveniente obitu litterae apostolicae confectae non extiterunt, idem Thimo episcopus huiusmodi statuti et volun- tatis frustretur effectu, volentes et auctoritate apostolica decernentes quod statutum et voluntas praedicta ab eadem die yidelicet III. Kal. Septembris suum consequantur

COI). DIPL. sAX. II. 2. 40

314

effectum, ac si super eis dicti praedecessoris litterae sub ipsius diei dato confectae fuissent prout superius enarratur, quodque praesentes litterae ad probandum plene statutum et voluntatem huiusmodi ubique sufficiant, nec ad id probationis alterius adminiculum requiratur. Nulli ergo omnino hominum etc. Si quis autem etc. Datum Romae apud sanctum Petrum III. Id. Novembris pontificatus nostri anno primo.

Rla gratis.

Jo. de Bortzow.

T. Reseler.

Nach dem Orig. im K. Haupt-Staatsarohiv zu Dresden mit dem Bleisiegel an Faden von rother und gelber Seido.