Nos Wilhelmus dei gratia marchio Misnensis, Thuringiae lantgravius et comes Saxoniae pallatinus recognoscimus — quia venerabilis dominus Nicolaus de Aldin- burg, decanus ecclesiae Misnensis bonae memoriae olim dum ageret in humanis — duo altaria in ecclesia Misnensi in latere sinistro pro quatuor vicariis ad omnipotentis dei gloriam de novo dotavit et instauravit taliter ordinando, quod deinceps perpetuis

320

futuris temporibus, quando et quotiens post ipsius obitum dictas vicarias seu earum aliquam per cessum vel decessum vacare contingeret, ex tunc collatio provisio seu quaevis alia dispositio dictarum vicariarum seu cuiuslibet earundem ad rectorem sco- larium seu parvulorum in castro Misnensi pro tempore existentem pertinere deberet et spectare, qui quidem rector ad ipsam seu ad ipsas praesentare seu nominare deberet unum ex choralibus ecclesiae Misnensis praefatae idoneorem et ad sacerdotium promoveri magis habilem infra annum, dum tamen talis choralis sic praesentandus ante vacationem dictae vicariae, ad quam promoveri deberet, in huiusmodi officio choralium continue serviverit per annum integrum praecedentem —. Sed quia dicta- rum vicariarum proventuum diminutionem notabilem comperimus ipsasque dampnosis dispendiis subiacere, et ne easdem defensionis ob defectum deperire contingat, ex certis causis et rationibus animum nostrum moventibus collationem sive ius patronatus earundem quatuor vicariarum nobis ac heredibus et successoribus nostris praesentibus reservamus, accedente ad hoc venerabilium ac discretorum virorum dominorum Jo- hannis de Egkersberge Nuemburgensis et Theodorici de Goch Budissinensis praeposi- torum, neenon Bertoldi de Uebeze et Jacobi de Somerfelt vicariorum ecclesiae Mis- nensis, testamentariorum ac ultimae voluntatis executorum praefati quondam domini Nicolai de Aldinburg decani Misnensis consensu pariter et obtento, ista tamen con- ditione interiecta, quod voluntas fundatoris in conferendo ipsas vicarias per nos et heredes et successores nostros iuxta modum praenotatum nullatenus infringatur; adii- cientes nihilominus, quod dominus Franciscus nunc rector parvulorum in castro Mis- nensi, qui una cum suis successoribus spe collationis dictarum vicariarum sic frustra- bitur, primam vacaturam earundem vicariarum habere debeat in restaurum, cui ean- dem conferre volumus et debemus. Cum autem postea dictas quatuor vicarias aut aliquam earum vacare contingat, extunc ipsas choralibus ecclesiae Misnensis idoneo- ribus et sufficientioribus ut praemittitur assignare intendimus et eonferre. Et ut omnia et singula praemissa per nos et heredes et successores nostros firmiter observentur, praesentes literas maioris nostri sigilli appensione fecimus communiri. Datum Misnae anno domini millesimo quadringentesimo quinto die vicesima mensis Maii.

Nach dem Orig. iin Stiftsarchiv zu Meissen; das an einem Pergamentstreifen befestigt gewesene Siegel fehlt.