Nos Nicolaus dei et apostolicae sedis gratia episcopus ecclesiae Misnensis ad omnium quorum interest vel quomodolibet interesse poterit in futurum deducimus notionem, quod certo per decanum nostrae Misnensis ecclesiae in dicto capitulo et vocatis omnibus canonicis capitularibus vocandis, pluribusquc habitis tractatibus cum eisdem supcr non modicis et notoriis defectibus chori et officii divini, propter multo- rum absentiam vicariorum nostrae ecclesiae Misnensis, tandem considerantes statum chori et ecclesiae non posse nec debere alias in melius reformari, concordavimus in hunc modum, quod quia secundum canonica instituta, quibus cavetur, beneficium dari propter officium, ipsaque beneficia et etiam ecclesias, in quibus eadem existunt, non debere suis ministris et officiis quomodolibet defraudari, ex eo clarum existat, quod omnes et singuli dictae nostrae Misnensis ecclesiae vicarii perpetui, quos notabilis et notoria suorum beneficiorum paupertas et fructuum exiguitas ad huiusmodi non habet

200

merito excusatos, in suis utique teneantur vicariis sive beneficiis personaliter residere, vel saltem, si rationabilem abessendi causam habeant, per alium aut alios idoneos sacerdotes aut clericos in locum ipsorum absentium subrogandos et decano praefato praesentandos dictis suis beneficiis et eidem Misnensi ecclesiae, de cuius existunt gremio, decenter et congrue deservire. Nos igitur de capituli nostri Misnensis con- silio et assensu generaliter omnibus et singulis absentibus et non residentibus vicariis eiusdem nostrae Misnensis ecclesiae, quos notabilis paupertas ut supra dicitur non excusat, et singulariter cuilibet ipsorum autoritate nostra ordinaria in virtutc sanctae obedientiae et sub poena suspensionis ab ingressu ecclesiae districte praecipiendo mandamus, quatenus unusquisque et quilibet ipsorum infra trium mensium spatium a data praesentium immediate computandum, quos ipsis et cuilibet ipsorum pro cano- nica monitione praesentibus assignamus, per se et personaliter vel si forte aliquis ipsorum rationabilem abessendi causam habeat — per idoneum sacerdotem aut cleri- cum in locum ipsius absentis surrogandum et . . decano praesentandum more solito in ipsa ecclesia Misnensi residentiam capiat, vel suum surrogatum residere procuret, et sic in choro et divino officio sua fideliter faciat servitia, prout ipsius beneficii qua- litas postulat et requirit, vel saltem quare ad id non teneantur, ipsi et eorum quilibet infra eorundem trium mensium spatium causam rationabilem coram dicto domino . . decano proponant et ostendant. Si aliqui etiam absentes vicarii praetenderent se habere licentiam abessendi a nobis aut a praedicto decano ipsis concessam, quod tamen ignoratur, illam cassanius et irritamus et tales absentes ad residentiam ut praemittitur in dei nomine revocamus, illis tamen vicariis dumtaxat exceptis, quibus ius scriptum abessendi licentiam et nec per se nec per alios deserviendi indulgentiam praestat et concedit, quos nostris in hac parte sententiis nolumus subiacere. Inhibemus etiam omnibus et singulis vicariis praesentibus et futuris in ecclesia nostra Misnensi resi- dentibus et beneficiatis, de quibus saltem beneficiis victum et amictum consequi valeant et habere, sub poenis praenotatis, ne de cetero aliorum vicariorum absentium in divino officio vel etiam in choro annuatim et continue, sicut hactenus factum est, vices gerant sive se de illis regendis aliquatenus intromittant, nam unusquisque bene- ficiatus — vix sufficit deo et hominibus in cboro et divino officio suo beneficio satis- facere pro se ipso. Alioquin huiusmodi nostra mandata facere in toto vel in parte negligentem vel negligentes aut contumaciter recusantem vel recusantes ex tunc prout ex nunc transactis praedictis tribus mensibus ipsis et cuilibet ipsorum pro canonica monitione assignatis ab ingressu ecclesiae suspendimus dei nomine in his scriptis, poenis utique gravioribus contra rebelles et non facientes si necessarium fuerit iure nobis suffragante per nos aut eundem dominum decanum finaliter processuri, cui etiam vices nostras plenarie committimus in eisdem. Insuper quoque autoritate nostra diocesana statuimus ordinamus atque praesentibus favorabiliter indulgemus, ut necessi- tatis tempore perpetui vicarii dictae nostrae Misnensis ecclesiae vices praelatorum et canonicorum absentium, aegrotantium, vel alias legittime impeditorum possint in choro et summo altari in missarum ac aliis divinorum officiis ubilibet adimplere, ordinationi- bus prioribus dictae ecclesiae non obstantibus quibuscunque. In quorum omnium et singulorum robur ac evidens testimonium sigillum nostrum una cum sigillo nostri

201

capituli Misnensis praesentibus duximus appendendum. Datum et actum Misnae anno domini M°. CCC°. LXXX. primo in die sancti Lucae evangelistae.

Nach dem Orig. im Stiftsarchiv zu Meissen mit den kleiueren Siegeln des Bischofs und des Convents an Pergamentstreifen.