Jacobus Plocensis et Johannes Vaurensis dei et apostolicae sedis gratia epi- scopi per sacrosanctum generale Constanciense concilium in spiritu sancto legittime congregatum causarum ad ipsius sacri generalis concilii cognitionem pertinentium una cum reverendis — dominis Matheo Pistoriensi et Roberto Sarisburiensi eadem gratia episcopis collegis nostris cum illa clausula: Quatinus vos tres aut duo vestrum iudices commissarii et auditores specialiter deputati, venerabilibus et circumspectis viris dominis . . praeposito ecclesiae Budissinensis Misnensis diocesis ac archidiacono Lusa- ciae in ecclesia Misnensi salutem in domino et mandatis nostris huiusmodi immo verius dicti sacri concilii firmiter obedire. Noveritis nuper praefatum sacrosanctum conci- lium certam contra perturbantes spoliantes impedientes ac alias male et enormiter tractantes personas venientes ad ipsum concilium et alia concilia in futurum celebranda ac curiam Romanam neenon stantes in eisdem ac ab eis recedentes sub formidabilibus gravibus poenis fecisse constitutionem huiusmodi sub tenore:

Sacrosancta generalis synodus Constantiensis universalem ecclesiam repraesen- tans in spiritu sancto ad extirpationem scismatis haeresiumque ac errorum neenon ipsius ecclesiae in capite et in membris debitam reformationem legitime congregata ad futuram rei memoriam. Iustitiam et aequitatem exerceri non dubitatur, si quos noxiae voluntatis adeo captivat perversa intentio, quod processibus apostolicis impu- denter obviare et auctoritatem sanctionis canonicae contempnentes in aliorum prola- buntur iniurias et offensas, ecclesiastica censura procellat et pro demerito culpae rigorem adiiciat iudiciariae potestatis. Nam si quilibet per campum licentiae freno deposito modestivo vagaretur impune, facile quisque saeviret in proximum et nervus

430

di&ciplinantis iustitiae rumperetur. Sane licet nonnulli Romani pontifices etc. Finis vero dictae constitutionis sequitur et est talis: Ceterum omnibus et singulis dominis patriarchis primatibus archiepiscopis episcopis ceterisque loeorum ordinariis praeci- pimus et mandamus, ut ipsi et eorum quilibet per se vel alium seu alios sub poena excommunicationis, quam ipsorum quemlibet qui mandatorum nostrorum huiusmodi transgressor et contemptor fuerit incurrere volumus ipso facto, praesentes nostros processus per eorum vel cartarum aut menbranarum seu transsumptorum contineutiam eosdem quibus sicud nostris praesentibus processibus ratam volumus fidem adhiberi, in ecclesiarum valvis seu aliis locis affixione publicent et praefatos transgressores efc contemptores huiusmodi excommunicationis et anathematizationis sententiis ligatos, ac terras civitates castra opida et loca praefata huiusmodi ecclesiastico interdicto suppo- sita, quamprimum ipsis vel eorum alicui de hoc legittime constiterit, tam diu in ecclesiis dominicis et aliis festivis diebus, dum inibi fuerit maior populi multitudo, campanis pulsatis et candelis accensis denuncient et interdictum huiusmodi inviolabiliter observari faciant per censuras ecclesiasticas et alia iuris remedia, invocato ad hoc si opus fuerit auxilio brachii secularis, donec ipsi transgressores et contemptores merue- rint ab huiusmodi excommunicationis et anathematizationis sententiis absolutionis bene- ficium obtinere, dictumque interdictum merito debuerit relaxari, uon obstantibus omni- bus supradictis seu aliquibus communiter vel divisim a sede praedicta indultum existat, quod interdici suspendi vel excommunicari non possint per litteras apostolicas non facientes plenam et expressam ac de verbo ad verbum de indulto huiusmodi mentio- nem. Datum Constanciae secundo Non. Julii sede apostolica vacante regnorum sere- nissimi principis domini Sigismundi Romanorum et Hungariae etc. regis videlicet electionis quinto, coronationis primo, Hungariae vero anno vicesimo octavo.

Post cuius quidem constitutionis publicationem in maioris et sancti Stephani Constanciensis ecclesiarum valvis seu portis ut in ipsa constitutione latius apparet factam nos ad reverendi patris domini domini Petri Bolesti praepositi ecclesiae Lan- ciciensis sedis apostolicae prothonotarii instantiam rite et legitime procedentes servatis servandis quosdam Henricum Dobrusch, Lutoldum Notenhoff ac alios praefatae con- stitutionis transgressores ipsius constitutionis poenas incidisse declaravimus, locaque et terras et villas in eadem praeinserta constitutione designata et designatas et sub ipsa conprehensas, et praesertim villam Godaw dictae Misnensis diocesis ecclesiastico interdicto supposuimus iuxta praefatae constitutionis seriem formam et tenorem, prout in nostris exinde confectis litteris plenius continentur. Subsequentur conparuit in iudicio coram nobis providus vir magister Jacobus Baruth in Romana curia et hono- rabilium virorum dominorum Lutheri de Hoendorff plebani ac parrochianorum et com- munitatis dictae villae Godaw procurator et syndicus, de cuius procurationis mandato legitima extitit facta fides, et quandam petitionis sive supplicationis cedulam facto realiter et in scriptis obtulit, cuius tenor sequitur de verbo ad verbum et est talis:

Reverendissimi patres, quia nuper propterea quod nonnulli latrunculi et vaga- bundi infra limites parrochialis ecclesiae villae Godaw Misnensis diocesis certos fami- liares reverendi patris domini Petri Baleste notarii sedis apostolicae captivarunt ac pecuniis et aliis bonis spoliarunt, tam dicta parrochialis ecclesia quam villa Godaw

431

'et nonnullae aliae villae circumstantes satis populosae propter processus ab hac sacra synodo praemissorum occasione fulminatos suppositae sunt ecclesiastico interdicto, quod interdictum ob sacri concilii reverentiam in dictis locis servatur in gravissimum scandalum et detrimentum habitantium in eisdem locis, qui ob divinis officiis carent et aliis sacramentis. Cum autem dicti spoliatores in dictis locis domicilium non reti- neant sintque personae vagabundae nec ad dicta loca declinaverint aut in illis fuerunt receptati, ita quod per dicti observationem interdicti propterea arceri non possunt ad emendam faciendam, sitque valde grave et absonum, quod iustus propter iniustum taliter patiatur, maxime ubi per huiusmodi poenam delictum vindicari non potest, attento etiam quod similia in illis partibus non consueverunt perpetrari: dignemini igitur reverendissimi patres consentire, quod litterae fiant iuxta praemissorum conti- nentiam uni in partibus dirigendo, qui si reperiat praedicta veritate fulciri, dictum interdictum quod huiusmodi synodi auctoritate vel provinciali constitutione processerit, relaxet et solum debeat remanere interdictum in locis illis, ubi illi fuerunt receptati vel ad loca ubi declinasse noscuntur et etiam cum ad limites ipsius parrochialis ecclesiae pervenerint et ibi moram traxerint.

Post cuius quidem petitionis cedulae oblationem coram nobis ut praemittitur factam nos ad dicti magistri Jacobi Baruth procuratoris instantiam providum virum magistrum Johannem Hagheman praelibati reverendi patris domini Petri Boleste pro- thonotarii principalis procuratorem, prout de suae procurationis mandato similiter extitit sufficienter edoctum, ad videndum relaxationem interdicti saepefatae villae Go- daw committi litterasque commissionis ad partes desuper necessarias iuxta continentiam suprainsertae petitionis cedulae decerni per certum apostolicae sedis cursorem citari mandavimus ad diem et horam infrascriptas. Quibus die et hora advenientibus con- stitutis coram nobis magistris Jacobo Baruth ex una et Johanne Hagheman procura- toribus praedictis nominibus procuratoriis quibus supra partibus ex altera, idem magister Jacobus Baruth procurator huiusmodi relaxationem interdicti villae Godaw praedictae vobis committi litterasque commissionis sibi super hoc necessarias et oppor- tunas extra Romanam curiam et ad partes iuxta dictae petitionis cedulae formam et tenorem in forma solita et consueta decerni et concedi per nos debita cum instantia postulavit magistro Johanne Hagheman ex adverso procuratore praesente. Nos igitur Jacobus et Johannes iudices commissarii et auditores praelibati attendentes requisitio- nem huiusmodi fore iustam et consonam rationi quodque iusta petentibus non est denegandus assensus, volentesque iniuste gravatos relevare ut tenemur, idcirco aucto- ritate dicti sacri generalis concilii qua fungimur in hac parte vos et vestrum quem- libet in solidum tenore praesentium requirimus et monemus primo secundo tertio et peremptorie, vobisque nihilominus et vestrum cuilibet in virtute obedientiae et sub excommunicationis poena, quam in vos et vestrum quemlibet nisi feceritis quae vobis committimus et mandamus, canonica monitione praemissa ferimus in his scriptis districte praecipiendo mandantes, quatinus infra sex dierum spatium post praesenta- tionem et notificationem praesentium vobis vel alteri vestrum factas et postquam super hoc requisiti fueritis immediate sequentium, quorum sex dierum duos pro primo, duos pro secundo et reliquos duos dies vobis pro tertio et peremptorio termino ac canonica

monitioue assignamus, ita tamen quod si ambo iuteresse non poteritis unus vestrum nihilominus praesentia exequatur, de contentis in ipsa praeinserta petitionis et exposi- tionis cedula inquiratis diligenter, et si per huiusmodi diligentem indaginem ac inqui- sitionem testibus et probationibus legitimis desuper receptis contenta et exposita in praedicta petitionis cedula reperietis fulciri veritate, ipsamque villam Godaw non esse quoad eius dominium dictorum constitutionis transgressorum seu alicuius eorum, nec ipsos transgressores seu eorum aliquem in ipsa villa morari seu residere, nec per- sonae ipsae per ipsos transgressores laesae et dampnificatae non existere nec detineri in eadem villa seu districtu eiusdem, ipsiusque villae parrochianos seu habitatores huiusmodi transgressores non receptasse eorumque delicta non grata et rata habuisse, nec eisdem consilium auxilium vel favorem publice vel occulte directe vel indirecte quovis quaesito colore praestasse, seu alias sub constitutione supradicta dicti sacri concilii nullatenus comprehendi, ipsum interdictum ratione huiusmodi constitutionis et spolii supra specificati per nos in dictam et alias villas in nostris litteris declaratoriis expressas et earum parrochias positum quoad dictam villam Godaw dumtaxat rela- xetis et tollatis, litteras super hoc etiam opportunas decernendo, super quo auctoritate dicti sacri concilii supradicti vobis licentiam et auctoritatem concedimus per prae- sentes. Volumus tamen et auctoritate eadem dicti sacri concilii qua fungimur in hac parte decernimus, dictas nostras litteras declaratorias quoad poenas expressas in eisdem ac interdictum quoad alias villas civitates loca et terras etiam in eisdem designatas in suo robore permanere ac inviolabiliter observari, donec ipsi sic transgressores dictae constitutioni satisfecerint et absolutionis beneficium meruerint obtinere. Abso- lutionem vero omnium et singulorum, qui praefatam nostram excommunicationis sen- tentiam incurrerint sive incurrerit quoquomodo, nobis vel superiori nostro tantummodo reservamus. In quorum omnium et singulorum fidem et testimonium praemissorum praesentes litteras sive praesens publicum instrumentum huiusmodi nostras commissio- nem et relaxationem interdicti in se continentes sive continens exinde fieri et per Johannem notarium publicum nostrumque et huiusmodi causae coram nobis scribam infrascriptum subscribi et publicari mandavimus nostrorumque sigillorum iussimus appensione communiri. Datum et actum Constanciae provinciae Maguntinensis in ambitu ecclesiae maioris nobis inibi ad iura reddendum pro tribunali sedentibus sub anno a nativitate domini millesimo quadringentesimo sexto decimo, indictione nona, die sabati quarta mensis Julii apostolica, sede vacante, praesentibus ibidem discretis viris magistris Johanne Garnerii et Tiicza Mizislai de Cracowo notariis publicis scribisque nostris clericis Lucionensis et Plocensis dioc. testibus ad praemissa vocatis specialiter et rogatis.

Et ego Johannes de Azel clericus Hildesemensis diocesis publicus j-? apostolica auctoritate notarius praefatorumque dominorum iudicum auditorum | et commissariorum ac causae huiusmodi coram eis scriba praemissis omnibus § et singulis dum sic ut praemittitur fierent unacum praenominatis testibus p. praesens interfui, ideoque hoc praesens publicum instrument1un per alium fideliter scriptum rogatus publicavi in fidem praemissorum.

Nach dem Orig. im K. Haupt-Staatsarchiv zu Dresden mit den Siegeln der beiden Bischofe an seidenen Schnuren.

433