In gotis namen amenn. Sint alle mensliche schickunge etc. Hirvmme wir Heinrich von gotis gnaden des heiligen Romisschen richs burcgraue czu Missin vnd graue czum Hartensteinn bekennen — das vor vns kommen ist der erber er Niclaus Grymmer, ewiger vicarius czu Missin vnd hat vns mit fliCe gebeten im czuliehene eyn schok grasschen vnd achczen grasschen czinses vnd ierlicher renthe in deme dorffe Wenige Prus") genant, gelegen in deme Missenischen gerichte in der pharre czu Kregus, die her gekouft hat wedir Ticzeman von Grunrade vnserm libin getru- wen, vnd achtehalben grasschen in deme dorffe czu Jessinb) gelegin in deme Heins- schen gerichte, die her wedir vns selbis gekouft hat, do mitte her in der kirchen

a) Kloinprausitz, Par. Ziegenhain, vordom Krogis. b) Jossen, Par. Grobern.

15*

356

czu Missin im eyn selgerethe vnd ewig gedechteniss wil machen siner selen ierlichen mit ammechten vigilien vnd messenn, noch gewonheit der kirchen czu Missin czu gedencken. Des habe wir — die vorgenante czinse vnd renthe gelegen vnd lihen im die mit allen eren rechten wirden vnd gewonheiten, alze die der vorgenante Ticze- mann in deme selbigen dorffe czu Prus gehabt — vnd die luthe nemelichen an ernn Niclaus erblichen mit den czinsen vnd renthen gewist hat, alzo wir selbis ouch vnsern man czu Jessenn erblichen mit der holdungen vnd czinsenn an den megenanten ern Niclaus haben gewist —. Nu hat vns der egenante er Niclaus — gebethen, das wir — die egenanten ierlichen renthen vnd czinse czu Prus vnd czu Jessen gelegen den erbernn herren Wenczslawen tumprobiste, ern Johanns techande, den tumherrnn vnd deme ganczen cappittil der kirchen czu Missin eygenen vnde czu eynem rechten eygen — wollen vnd geruchen. Hirvmme hat vns beweget sulche gute meynunge — vnd haben — den — tumprobiste techande vnd cappittil der kirchen czu Missin die vorgeschrebene ierliche renthe vnd czinse, die dise nochgeschrebenen luthe von eren guternn vnd eckernn gebenn vnd reichen, Jorge czum Wenigen Prus gesessen fumfczehn grasschen uf sante Michaelis tag, vnd fumfczenn grasschen uf sante Wal- purgen tag ierlichis czinses vnd renthe vnd die gancze gemeyne do selbis drisig grasschen uf sante Michaels tag vnd achczen grasschen uf sante Walpurgen tag ier- licher renthe, vnde Nickel Senicz czum Jessen gesessin achtehalben grasschen uf sante Michels tag ierliches czinses, mit allen eren rechten, eren vnd nuczczenn, vrie- heiten wirden vnd gewonheiten, alze die czu Prus der egenante Ticzeman von Grunen- rade vnd wir czu Jessin gehabt habenn — vorliehen vnd bestetigenn en das czu eynem rechten erbe —. Das alle obingeschrebene rede — sullen gehalden werden habe wir obgenanter Heinrich burcgraue czu Missin vnd graue czum Hartensteinn — vnser ingesigil — an desin kegenwortigen brif lassen hengen, der gegeben ist noch gotis geburt virczenhundert iar, dornoch in dem nunden iare an sente Donatis tage des heiligen bisschofs vnd merteres. Do bie sie gewest vnd syn geczuge die gestren- gen vnsere libin getruwenn Wesand von Rogewicz vnd Frederich Karas vnd die erbernn er Valentinus ewiger vicarius czu Missin vnd er Niclaus vnser cappllan pharrer [czu] Frauwinstein vnd andir luthe vil vnd genug, den wol czugloben ist

Nach dem Orig. im Stiftsarchiv zu Meissen mit dem Siegel an einem Pergamentstreifen.