Gregorius episcopus servus servorum dei dilecto filio, praeposito monasterii sanctae Mariae extra muros Aldenborg per praepositum soliti gubernari, Nuember- gensis diocesis salutem et apostolicam benedictionem. Ad audientiam nostram per- venit, quod tam dilecti filii, Henricus Elmotz, Theodericus Kempnitz et Hermannus Puntzeli, rectores altaris sancti Alexii, siti in ecclesia Misnensi per tres soliti guber- nari rectores, quam praedecessores eorum rectores eiusdem altaris qui fuerunt pro tempore, decimas terras domos vineas possessiones redditus casalia prata pascua nemora molendina iura iurisditiones et quaedam alia bona ipsius altaris datis super hoc litteris, confectis exinde publicis instrumentis, interpositis iuramentis, factis renuntiationibus et poenis adiectis in gravem ipsius altaris laesionem, nonnullis cle- ricis et laicis, aliquibus eorum ad vitam, quibusdam vero ad non modicum tempus et aliis perpetuo ad firmam vel sub censu annuo concesserunt, quorum aliqui dicuntur super his confirmationis litteras in communi forma a sede apostolica impetrasse. Quia vero nostra interest super hoc de oportuno remedio providere, discretioni tuae per apostolica scripta mandamus, quatenus ea, quae de bonis ipsius altaris et ad dictos rectores communiter spectantibus per concessiones huiusmodi alienata inveneris illicite vel distracta, non obstantibus litteris instrumentis renuntiationibus iuramentis poenis et confirmationibus supradictis ad ius et proprietatem ipsius altaris legitime revocare procures, contradictores per censuram ecclesiasticam appellatione postposita compescendo. Testes perhibere. Datum Avinione V. Idus Januarii pontificatus nostri anno primo.

Aussen: Theodericus de Rey's procurator. A. de Mediolano.

Nach dem Orig. im Stiftsarchiv zu Meissen mit dem Bleisiegel an hänfener Schnur.