Wir Rudolff von gotis gnaden bisschoff, Wenczeslaus probist, Johannes techand vnd vnser gancze capittel zcu Misen bekennen — das vns der hochgeborne furste vnd herre herre Frederich marcgraffe zcu Misen vnd lantgraue in Doringen vnser genediger libir herre mit gereitem gelde vnd nuczlichen beczalt had dry hun- dert vnd ffinf vnd sibenczig schog guter Behemisscher groschen Prager muncze von den achtehalbhundert schocken, die her vnd syn brudir marcgrafe Wilhelm ouch vnser genediger herre beczalit sulden haben uf den nehesten vorgangen sente Michils- tag von der abelozunge wegen der zcinse, dy vnser kirche zcu Misen von en gehabt had uf yren stetin Lipczk, Turgaw vnd uf yrem teil zcu Misen. Der selbien dry- hundert vnd ffinf vnd sebenczig schog Behemisscher groschen sage wir vorgenanten Rudolff bisschoff, Wenczeslaus probist, Johannes techand vnd das gancze capittel da selbist zcu Misen von der vorgenanten vnser kirchen wegen zcu Misen den vor- geuanten vnsern genedigen herren marcgraffen Frederich vnd syne erbin quied ledig vnd los mit orkfinde deses briues. Des zcu orkunde haben wir vorgnanten Rudolph bisschof vnser ingesigil, vnd wir Wenc. probist Johannes techand vnd das gancze capittel zcu Misen vnsers capittels ingesigil by vnsers herren bisschofs ingesigil an desin brief lasen hengen, der gegeben ist noch gotis gebort virczenhundert jar dar- nach Ln dem eylftin jare an sente Gallen tage.

Nach dem Orig. im K. Haupt- Staatsarchiv zu Dresden mit den Siegeln des Bischofs und des Capitels an Pergamentstreifen.