Wir nochgeschrebin her Nickel von Penczk rytter, her Johannes pharrer czu Bowten, Czasslaw vnde Hannos gebrudir mit vnsirn erbin vnde nochkomelingen bekennen offintlich in desym kegenwertigen bryffe, das wir globet habin vnde glow- ben in guten treuwen ane arg, das wir den bischoffes czenden, der do leyt in deme dorffe Langenaw"), des do sint vyr malder kornes vnde vyr malder habers, den wir in were haben von vnserm gnedigen herren dem bischoffe czu Myssen, den vnsir vatir dem got gnade vnde wir mit em gegebin habin vnde gebin czu dem altir des heylgen creuczes in vnsir kirchen czu Penczk"), das wir den vorgenanten bischofs czenden, den vnsir gnediger herre vnde vater her Thymoteus bischoff czu Myssen mit vnserm willen vnde durch vnser bete wille bestetigen vnde appropriern wil czu dem vorgenanten altir, das wir den vorgenanten czenden vordynen wollen vnde zollen mit vnsirn erbin, alzo wir czu rechte zollen in alle der weyze vnde mazse

») Langenau und Penzig im Giirliuer Kreise der ObarUuaitz.

283

kegin vnserm gnedigen herren vnde vatir Thymotheo vnde allen synen nochkome- lingin, zam wir den vorgenanten czende in were gebruchunge vnde besiczczunge selbir hetten. Das deze vorgeschrebene rede vnde globde stete vnde gancz gehaldin werde, das habe wir obengeschrebin brudir vnser ingesegile an desyn keginwertiken bryff gehangin mit vnsir wyssen, der do gegebin ist noch gotis geburt tusent iar dreyhundirt iar in deme nownden vnde nvnczegisten yare an dem vreytage vor sente Georgien tage des merterers.

Nach deih Orig. im K. Haupt - Staatsarchiv zu Dresden mit den Siegeln des Zaslaus und Hans von Penczk an Pergameutstreifen; zur Befestiguug der Siegel des Nickel und Johannes sind Einschnitte gemacht und die Na- men derselben dariiber geschrieben, die Siegel selbst aber nicht vorhanden.