Wir Rudolff von gotes gnaden bisschoff zu Missen bekennen — das vor vns ist komen der gestrenge ritter Hannes von Slinicz zu Schiricz gesessen vnser liber getreu- wer vnd hat vns vorczalt eczliche redeliche sachen, durch der her mit willen vnd wissen seiner vettern recht vnd redelichen vorkouft habe den ersamen herren tumprabeste techande vnd dem ganczin capitel vnser kirchen zu Missen acht schog vierczig gros- schin vnd czwene hellere yerlicher gulde vnd czinse gelegen yn dem dorffe vnd flure Bratriswicz") in der pflege zu Missen, an gelde hunren vnd eygern, alse das der kouffbriff eigentlichen vswyset, sy wir von dem selbien herren Hanse, her n Hugolde vnd andern seinen vettern von Slinicz mit flissiger begerunge gebeten, das wir zu dem selbien kouffe vnser gunst vnd guten willen geruchten gnediglichen zugeben. Habe wir an gesehn yre bete vnd ouch anneme dinste, dy der selbige herre Hannes von Slinicz vns vnd vnser kirchen zu Missen mit seinen vettern ofte vnd digke nuczlichen gethan hat, vnd yn zukumftigen geczieten ouch wol thun mag vnd sal, vnde haben dy vorgnanten czinse, alse dy von vns vnd vnser kirchen zu Missen gein zulehne, von ym uffgelossen genomen vnd dy furbas mit allen yren zugeho- rungen nuczen fruchten friheiten vnd wirden den vorgnanten ersamen herren vnserm capitel zu Missen recht vnd redelichen gelegen, vnd lihen ouch mit craft dissis brifes alle yar ierlichen uffzuheben ynzunemen uff yre tage cziet vnd furbas zu reichen vnd zu entwerten yn das selhus zu Missen zu einer hulffe vnd uffhaldunge armer lute, nach deme alse das dy selbien herren vnsers capitels zu Missen haben geschicket vnd geordint. Doch in welchem yare der selbige herre Hannes von Slinicz seine erben oder vettern, dy das selbige gut vnd czinse von ym, von vns vnd vnser kir- chen zu Missen gehabt haben yn lehnen, weider koufen wollen, das sullen dy vor- gnanten herren vnser capitel zu Missen weider zukouffe geben vnd das halden yn allermasse, alse das der kouffbriff doruber gegeben wol vswyset. Czu orkunde vnd bekentnusse — habe wir egnanter Rudolff bisschoff zu Missen mit wissen vnd willen vnsers vorgnanten capitels an dissen briff [vnser ingesigil] lossen wissentlichen hen- gen. Gegeben nach Cristi geburd vierczenhundirt yar, dornach yn dem sechczendem yare am sunabunde neest nach Margarethe der heilgen iungfrauwen vnd mertererynnen.

Nach dem Orig. im Stiftsarchiv zu Meissen mit dem Siegel des Bischofs an einem Pergamentstreifen.

a) Praterschiitz, Par. Leubon bei Meissen.

435