In nom. s. et ind. trin. amen. Cum pastoralis curae intersit etc. Nos igitur Thimo dei et apostolicae sedis gratia episcopus Misnensis recognoscimus et ad cuncto- rum. notitiam deducimus per praesentes, quia magnificus princeps dominus Wilhelmus marchio Misnensis, Thuringiae lantgravius et comes Saxoniae palatinus pro amplifica- tione cultus deifici ad laudem omnipotentis dei eiusque genitricis intemeratae virginis Mariae et omnium sanctorum, specialiter in honorem beatorum Nicasii episcopi et confessoris et Katherinae virginis et martyris certos census et redditus annuos, vide- licet decem et octo sexagenas grossorum Fribergensium de redditibus suis in civitate Hayn in praetorio sibi hucusque solutis, et cum hoc quatuor sexagenas grossorum dictae monetae census annui et duos grossos octo hellenses in villis et pagis villa- rum desertarum videlicet Goher et Blumenberg prope civitatem Osschatz in et super novem et dimidio mansis agrorum iacentes, quos cives dictae civitatis Osschatz colunt et laborant, in dotem proprietatem erectionem et fundationem novi altaris seu perpe- tuae vicariae, siti in ecclesia nostra Misnensi in testudine ante chorum et in honorem sancti Nicasii episcopi et beatae Katherinae virginis et martyris consecrati sub certis modis et ordinatione in sua privilegiali littera obtulit — — cum supplicatione humillima — nobis facta, ut dotem — fundationem altaris praedicti et censuum eiusdem oblationem et ordinationem — ratificare et approbare ac dictum altare et redditus ipsius ecclesiastici beneficii titulo et iuris praesidio insignire ac auctoritate nostra ordinaria confirmare dignaremur. Nos igitur Thimo episcopus Misnensis —

294

votivis supplicationibus inclinati, dotem — appropriationem et ordinationem cum omnibus et singulis clausulis et articulis in privilegiali littera dicti domini nostri marchionis expressis ratas et gratas habentes approbavimus — et in dei nomine confirmamus, decernentes cosdem census ecclesiasticos et foro ecclesiastico in antea subiacere debere, et per rectorem altaris praedicti perpetuo percipi et levari debere pacifice et quicte, eosdem census et redditus ab omni utilitate dominio et iure tempo- rali eiusdem domini nostri marchionis, heredum et successorum suorum eximcntes iuris ecclesiastici subsidio fulcimus et libertatis ecclesiasticae privilegio communimus, invasores et distractores prohibitores seu alienatores earundem tamquam sacrilegos a canone puniendos forc, praemissis omnibus auctoritatcm nostram ordinariam cum adiectione poenarum et sententiarum a canone promulgatarum interponentes et consen- sum. In quorum omnium evidens testimonium et evidentiam clariorem sigillum nostrum maius praesentibus est appensum. Datum ct actum in castro episcopali Stolpen anno domini millesimo quadringentesimo primo, die quinta mensis Uctobris.

Nach dem Orig. im Stiftsarchiv zu Meissen mit dem grossen Siegel des Bischofs an einem Pergamentstreifen.