Wir Frederich LaCman burgermeister, Pawel von der Dame, Petir Scherer, Nickil Beyger, Andreas Fichtenberg, Jocoff Mauricz, Nickil Schusseler, Nickil Ru- dolff, Jacoff Srauber, Nickil Kromer, Heyrich Scherer vnde Francze Goltsmyd rat- lute vnde dii gancze gemeyne der stat Osschacz bekennen vor vns vnde alle vnser nochkommen vnde thun kunth offentlich mit desem briffe allin den, dii en sehen adder horen lesin, daz der hochgeborn furste vnde herre her Frederich elder lant- graffe in Doringen vnde marcgraffe czu Missen vnsir gnediger herre vorkauff hat vnde vorkewffet vff vnsir stat czu Osschacz an synen jar renten den erbern hern ern Petir Heckeler, ern Heynrich Obels, ern Niclousze Noltel, ern Michil Bratrisch ewigen vicarien czu Missen vnde iren nochkommen czu yir vicarien vnde czwen alta- rien gelegin in dem thume czu Missin, czehen margk lotiges silbers Erffurdischs gwichtes czeychens wisze vnde weher, alle jar halb vff sente Walpurgen tag vnde halb vff sente Michaels tag czu reichin vnde czu gebin, als auch desselben vnsirs genedigen hern briff eygentlichin aws wyset. Globen vnde reden wir obengnanten burgermeister, ratluthe vnde dy gancze gemeyne, dii do yczund syn vor vns vnde vnser nochkommen der stat Osschacz, daz wir von geheyses vnde gebotes wegin dez genanten vnsirs gnedigen hern den vorgenanten vicarien vnde allin iren nochkommen czu beczalin vnde czu reychin in dy stat czu Missin czehen margk lotiges silbers der vorgenanten were, ffumff off Walpurgis vnd ffunff vff Michaelis ane arg vnde ane allin intrag. Were ouch daz wir vorsumig werdin an der beczalunge der czinse vff dy vorgeschrebin tageczit, so mogen dy vorgenanten vnde yre nochkommen dy czinse von yczlichem tage, als offte als daz not geschege addir broch wurde, vns vnde dy vnsern vorkummern hindern vnde vorsprechen mit gerichten geistlichen vnde wertlichin, in vnsirs gnanten herren addir andirn herschafften vnde landen, wo en daz bequeme addir gefuglichin were ane geverde, vordechtenissze vnde allin schucz vff mogelichin schaden, wy der queme, als ouch vnsirs genedigen hern briff dor obir eygentlichen aws wiiset. Den schaden mit dem czinse glabin wir burgermeister rat- luthe vnde dy gancze gemeyne den selben vicarien vnde yren nochkommen vszczu- richten vnde czu benemen ane vordechtenissze. Des czu orkunde vnde merer sicher- heit haben wir der stat ingesigil wissentlichen an dissen briff hengen lassen, der gegeben ist noch gotes geborte virczehenhundirt jar dornach yn dem achczehenden jare am dornstage in den wynacht heyligen tagen.

Nach dem Copiale I. fol. 97. iin K. Haupt-Staatsarchiv zu Dresden.

COD. DIPL. SAX. lt. 2.

5G