Wir her Johannes von gotes gnadin bisschoff czu Missen bekennen vor vns vnd vor allin vnsern nachkomen bischoffin czu Missin alle dy desin briff sehin adir horen lezin, das wir mit gutem vorrothe, willen vnd wissin vnsirs cappitils czu Missin recht vnd redelich vorkoufit habin vnsir kirchin dorff genand Baldwigistorff*) geleigin in vnsirm gerichte vnde gebithe czum Stolpin den gestrengen knechten Hein- rich von Breitenbuch vnd Hannes Kobirzhayn vnsirn libin getruwin vnde eren erbin vmme czweyhundirt schog grosschin Misner grosschin Fribergisscher muncze, der wir gereid beczalt seyn, mit allen czinsen renten erbgerichte beten vnd dinsten vnde andirn czugehorunge, wy man dy benennen mag adir namen gehabin mogen, alzo wir vnd vnsir vorfarn das bis her gehabit habin, vzgenomen hals gerichte, das wir vns vnde vnsirn nochkomen vnuorkouft behaldin, vnde habin yn das gelegin erbelich, so das sy do von vnser vnd vnsirs gotis huses manne seyn sullen, vnde dez czinsen an allen obin geschrebin czinsen renthen vnd czugehorunge, hals gerichte vz geczo- gen, alz obene geschrebin steit, vnd sullen das von vns vnd von vnsirn gothuse yn lehen habin vnd vns vnd vnsirm goteshuse do von gereid seyn vnde dynen als andir unsirn man. Dach mit sulchir vndirscheit haben wir yn das dorff vorkoufft, wenne wir adir vnsir nochkomen bisschoffe adir cappittil czum Misin, ab nicht bisschoff were, das obgenante dorff Baldwigistorff mit seyn obingeschrebin czinsen vnd czugehorunge wedirkouffin wollin vnd yn das voir vff sagen eyn halb ior, so sullin sy vnsirn nochkomen adir cappitil czum Misin das dorff mit synen czuhorunge wedir czukouffin gebin vmme czweihundirt schog Missner grosschin, dy czu den geczitin genge vnd gebe seyn, vnd sullen des dorffes willeclich abetrethin ane wedir redde, ane arg vnd an allis gefeir. Des czu orkunde vnd meir sicherheit habe wir vnsir ingesigil an desin briff wissintlich lozin hengin, der do gegebin ist zu Misin noch Cristy geburd

a) Buln18dorf, Par. Bischofswerda.

278

driczenhundirt ior dor noch yn dem sebende vnd nunczegistin ior an dem montage noch vnsirs herren hymmelfart.

Vnde wir Johannes techand vnd gancz capitil czum MMn bekennen, das alle obingeschrebinne kouffe vnde redde mit vnsirm rote wissin vnd willen geschen sint, des czu bekentnisse habe wir vnsirs capitils ingesigil ouch an desin briff wissentlich losen hengin.

Nach dem Liber Rudolfi episc. Misn. fol. 47b im Stiftsarchiv zu Meissen.