Wir Rudolff von gotis gnaden bisschoff czu Missin, Hans vnde Rudolff von Plawnicz selbschuldigen, Otte von Hugewicz czur Putzko gesessin, Nickil Karas czu der czyt houptman czu Pirne, Folczsch von Torgaw czu Libental, Hans von Griss- law czu Dytirsbach, Gunther von Hugwicz czur Nuenkirche vnde Otte von Hugwicz czum Heinchin gesessin burgen bekennen —, das wir — schuldig syn dem gestrengen Jane vom Spale, Agnisen syner elichen husfrawen vnde allen synen erbin vnde czu getruwer hant dem gestrengen rittere ern Dytheriche von Milticz, Fredriche von Malticz vnde Vincencio Busseman burgere czu Dresdin hundirt schog gutir Behmis- schir grosschin vor das dorff Reynersdorff, globen wir — czu beczalin fumfczig schog uf den nehsten senth Mertins tag vnde fumfczig schog vff den nehsten senth Walpurgen tag dornach volgende czu Dresdin in der stad —; vnde wo das nicht geschege — so globen wir — ynczureiten gein Dresdin, wo wir ingemanet werdin, iczlichir mit czwen pherdin vnde eynem knechte vnde do inlegir leistin vnde haldin vnde dor vs nicht czu komen, vnsir gloubere sin denne gancz vnde gar beczalit houptgutis vnde allis mogelichin schaden, wie der were an czerunge nachreisen briffegelt vnde botlon, czu cristen adir juden, adir welcherleye der were den von vnsirs vorczihenisses wegin sy genomin hettin —. Das wir alle disse obgeschrebin rede —. Gegebin nach gotis geburte firczenhundirt jar dornach in dem firczendin jare an tage vnsir libin frawin als sy geboren warth.

Nach dem Liber Rudolphi fol. 77 im Stiftsarchiv zu Meissen.