In gotis namen amen. Wir Friderich, Balthazar vnde Wilhelm von gotis gnaden lantgrauen in Duringen, marcgrauen zu MiCen, in deme Ostirlande vnde zcfi Landesperg, grauen zcu Orlamunde vnde herren des landes czu Plissen beken vffen- lichen in desim brife vnd tun kund allen den dy yn sehen adir horen lesen, alse der erbere er Palpertus von Mulhusen senger des stiftis czu Missen mit geilde, daz er inne hat gehabt alse eyn selwerter vmb dy gestrengen Otten vnde Goschen Schafe gebrudere, vnsere liben getruwen vnde dy erbere frouwe Jutte ire mutir recht vnd redelich gekouft hat vmb achczig schog Friberger groschen, dy er sy gereyte hat beczalt, dry schog Friberger groschen ierlicher gulde vnde cynse gelegen in deme

16G

dorfe czu Pristenewicz"), acht vnde czwenczig hfinre ierlichen vf sente Mertins tag czu cynsene, dry schog eygere vnde dryvndefumezig eygere alle iar ierlichen vf Ostirn czu cynsene von so vil hufen, alse der cyns von aldere gegangen hat vnde furbaz gehin sal in czukumftigen cziten, vnde in deme dorfe czu Bratirsleybenb) an deme kretschmen vir schillinge Friberschir groschen ierlichir cynse. Dy vorgenanten cynse sy alle von vns czu lehene haben gehat vnde sint gelegen in deme gerichte czum Hayn vbir Elbe, daz wir dy selben gute vnde cynse luttirlich durch got vnde syner liben mutir der reynen mayt Marien vnde allen synen heilgen czu lobe vnde czu eren vnde allen vnsern eyldern vnsern vnde allen vnsern nachkomelingen selen czu selikeit vnde czu troste vnde ouch durch sundirlichen guten willen vnde gunst, dy wir czu deme stifte vnde den tfimherren czu MiCen tragen, vnde durch bete willen der egenanten Otten vnde Gotschen Schafes vnde frouwen Jutten irre mutir, dy vns dy gute vnde cynse recht vnde redelichen vfgelazzen haben, den erbern herren deme tumprobiste, deme techande vnde deme capitele gemeynlich czu MiCen geeygend vnde fry gegebin haben, vnde eygen vnde gebin yn ouch dy fry allir dinste vnde frone gnediglichen mit craft dises brifes von vnsir furstlichen gewalt czu eyme gemeynen almf1sen alle iar tegelichen vnde ewiglichen douon czu reichene vnde czu gebene armen pilgerimen husarmen vnde andern armen luten, dy daz almf1se in gotis ere nemen wollen czu MiCen, mit sulchen gerichten rechte niiczcen genizzen vnde gewonheiten vnde gemeynlichen mit allen czugehorungen, wy dy genant sint adir namen gehaben, ewiglichen dorczu czu volgene ane allis hindirnisse vnsir vnde alle vnsir erbin vnde nachkomelinge, alse dy vorgenanten Otte vnde Gotsche Schefe vnde frouwe Jutte ir mfiter dy selben gute vnde cynse von vns herbracht vnde besezzen haben, doch vnschedelichen vnsirn gerichten rechten vnde gewonheiten, dy wir doran bizhere haben gehabt, dy wir vns vnde vnsirn erbin doruffe behalden vnvorgebin. Vnd haben des zcu orkunde vnd merer sichirheit vnde beuestenfinge vnsere furstlichen insigele an dysen brif lazzen hengen. Daby sint gewest vnde sint ouch geczugen der edele er Friderich von Schonburg herre czu Gluchouwe vnde dy gestrengen er Henrich von Torgauwe, Heinrich von Lengeueilt, Dytherich von Bern- walde, Nyckel Fust, Vlrich von Grfinrode vnde Dytherich von Webirstete vnsere liben getruwen vnde andere lute gnug, den wol ist czu gloybene. Gegeben czu MiCen nach Cristi geburt driczenhundert iar darnach in deme sybenvndesibinezigestem iare am mantage vor sente Johans toyfers tage alse er geborn wart.

Nach dem Orig. im Stiftsarchiv zu Meissen wie No. (J04.

a) Priestewitz bei Grossonhain. Pnr. Letw. M nlattersleben. Par. Seuslitz.

107