Nos Henricus praepositus, Nicolaus decanus, totumque capitulum ecclesiae Misnensis notum facimus — quod cum inter honorabiles viros dominos Martinum de Turgofl ex una et Johannem Kuchemeister nostros concanonicos parte ex altera materia quaestionis super prioritate gradus sive ordinis assequendi obedientias sive portiones eeclesiae nostrae praedictae fuisset exorta, ipso domino Martino asserente se debere fore in huiusmodi potiorem, ex eo quod praebenda maior, quam in ecclesia nostra obtinet, prius et antequam ipse dominus Johannes praedictus praebendam suam assequeretur, fuisset ex provisione sedis apostolicae assecutus, ipso vero domino Jo- « hanne e contrario proponente, quod cum sibi prius et ante ipsum dominum Martinum praedictum praebenda sua maior esset per decanum et capitulum nostrum assignata, ideo ipsi domino Martino in antiquitate et prioritate gradus et ordinis praedictorum deberet merito iuxta ecclesiae nostrae consuetudinem anteferri. Nos vero propter bonum pacis et concordiae partes nostras interposuimus et perpensis cum diligentia ecclesiae nostrae consuetudinibus ordinandum duximus et ordinavimus, quod praefatus Johannes Kuchemeister in gradu et ordine ad obtinendum in ecclesia nostra obedien- tias sive portiones et ceteris omnibus, quibus solet quilibet noster concanonicus prae- bendam maiorem ex assignatione decani et capituli prius assecutus, iuniori canonico utpote simili praebenda praebendato de ipsius ecclesiae nostrae consuetudine praeferri, praedictum dominum Martinum praecedere debeat et in huiusmodi iuxta consuetudi- nem eandem esse prior[em], et secundum hoc ipsum Johannem tanquam in huiusmodi potiorem sibi in his omnibus praeferendum duximus et praeferimus harum testimonio literarum, quibus in testimonium sigillum capituli nostri duximus appendendum. Actum et datum Misnae anno domini M°. CCC°. LXIX°. vicesima sexta die mensis Novembris.

Kach dem Orig. im Stiftsarchiv zu Meissen mit dem Siegel des Capitels an einem Pergamentstreifen.