Urkundenbuch des Hochstifts Meissen II Band, Nr. 111, S. 165
Urkundenbuch des Hochstifts Meissen II Band, Nr. 111, S. 165
Reverendo in Christo patri ac domino domino Theoderico episcopo Brandem- burgensi aut eius . . officiali Conradus dei et apostolicae sedis gratia episcopus Miss- nensis ecclesiae, executor ad infrascripta a reverendo in Christo patre domino Johanne miseratione divina patriarcha Alexandrino apostolicae sedis nuntio seu legato depu- tatus, salutem in domino et nostris imo verius apostolicis reverenter obedire man- datis. Cum ad requisitionem eiusdem domini patriarchae apostolicae sedis nuntii nos et clerum nostrum pro nonnullis diebus, quibus pro expediendis negotiis a sede aposto- lica sibi commissis ex iniuncta sibi legatione in nostra diocesi stando moram traxit, septingentos florenos auri boni et iusti ponderis sibi solvere in brevi temporis spatio compelleremur, memoratus dominus patriarcha considerans, quod in solutione tantae summae plus debito gravaremur, et attendens quod onus in partes divisum facilius supportaretur, inter alios duos episcopos contributores nostros vos reverendum patrem dominum episcopum Brandemburgensem supradictum et clerum vestrum ad contribuen- dum nobiscum et clero nostro in ducentis et decem florenis auri boni et iusti pon- deris coadiunxit, potestate recipiendi levandi quitandi per censuram ecclesiasticam rebelles compellendi sententias suas aggravandi et ab eisdem absolvendi nobis tradita et concessa. Auctoritate igitur qua fungimur in hac parte vobis domino episcopo supradicto aut vestro officiali committimus liberamque vobis tenore praesentium con- cedimus facultatem, quatenus a clero et religiosis ac ecclesiasticis personis exemptis et non exemptis vestrarum civitatis et diocesis praeexpressam ducentorum et decem florenorum summam exigere et levare ac per censuram ecclesiasticam si rebelles fue- rint compellere, eosque a sententiis contra eos promulgatis, si quas occasione non solutionis seu contributionis incurrerint aut incurrere contingeret quovismodo, satis- factione prima absolvere auctoritate praedicta valeatis. In cuius rei testimonium praesentes litteras nostri appensione sigilli fecimus communiri. Datum et actum in castro nostro episcopali Stolpin anno domini millesimo trecentesimo septuagesimo secundo die quinta decima mensis Junii.
Nach dem Orig. im Stiftsarchiv zu Brandenburg mit dem an einem Pergamentstreifen hangenden kleineren Siegel des Bischofs.
128
A click on the button »Show annotation« displays all annotations on the selected charter image. Afterwards you are able to click on single annotations to display their metadata. A click on »Open Image Editor« opens the paleographical editor of the Image Tool.
){kind=link}
){kind=link}