Wir Karl, von gotes gnaden romischer keyser, czu allen czeiten merer des reichs vnd kunig «zu Beheim, bekennen vnd tun kunt offenlich mit disem brieue allen den, die yn sehen oder horen lesen, das wir angesehen vnd vorsichticlich betrachtet haben merkliche vnd stete dienste, die vns, dem kunigriche vnd de. kronen czu Behem vnser lieben getrewen, die burgermeister, ratmanne vnd burger vnser stat czu Bresslaw, getrewlich getan haben, tegelichen tun vnd in kunfftigeu czeiten tun sullen, vnd haben yn vnd der vorgenanten vnser stat czu Bresslaw die besunder gnade getan vnd tun auch von kunglicher macht czu Beheim mit crafft dicz briefs, das sie allen ierlich einen iarmarkt in der vorgenanten vnser stat seczen, halten vnd haben mogen vff sant Elizabethen tag, der heiligen frawen, oder vff Symon vnd Juden tag, der heiligen aposteln, als yn das allerbest be- vallen wirdet, mit allen freyheiten, rechten vnd nuczen, als sie vnd die vorge nanten vnser stat einen iarmarkt vff mittevasteu von alders gehabt haben alle ierlich. Dovon vorbieten wir ernstlichen allen vnd yeglichen fursten, herren vnd amptluten des vorgenanten vnsers kunigreichs czu Beheim, das sie die vorgenanten vnser lieben getrewen vnd stat in sulchem iarmarkte, den sie seczen vnd machen werden, in aller der mazze, als dovor begriffen ist, nicht hindern oder irren, als verre sie vnser swere vngnade vormeyden wollen. Mit vrkund dicz brieues vor- sigelt mit vnser keyserlichen maiestat ingesigele, der geben ist czu der Sittaw nach Crists geburt dreyczehenhundert iar, dornach in dem viervndsibuczigstem iare des nehsten donrstages nach vnser frawen tage assumpcion vnser reiche des romischen in dem nevnvndczwenczigstem, des Behemischen in dem achtvndczwen- czigstem vnd des keysertums in dem czwenczigstem iare.

Das grosse Kaisersiegel mit Rüclcsiegel hängt an Pergamentstreifen.