Johannes, dei gracia Boemie rex ac Lucenburgensis comes, fidelibus nostris dilectis, consilio et vniuersitati ciuium in Wratisslauia graciam regiam et omne bonum!

Cupientes statum ciuitatis vestre comodo, vtilitate et libertate continue, prout decet, efficere meliorem concedimus, admittimus et perpetuo sanccimus, quatenus nundinas siue annuale forum in ciuitate Wratisslauia preter nundinas, quas in festo beati Johannis baptiste celebrare consweuistis, annis singulis secun dario anni tempore, quo vobis instituendum placuerit, et prout vos consultiue deliberaueritis, celebrare liberaliter valeatis, et cum tales nundine instituende re- galibus munificenciis gracioso debeant libertari, vt mercatores ibidem confluentes graciis et libertatibus gaudeant et pociantur, volumus et decreto incommutabili presentibus statuimus, vt in celebracione nundinarum et fori ipsius annualis omnes et singuli mercatores et alii quicunque ingredientes ciuitatem ipsam et exeuntes siue recedentes cum quibuscunque mercibus a qualibet exaccione theolonei infra dies octo penitus sint liberi et soluti harum nostrarum, quas sigillorum nostrorum munimine roborandas duximus, testimonio literarum. Datum Prage tercia die post beati Viti martiris anno domini millesimo trecentesimo tricesimo septimo.

1) Klose, von Breslau II 108. und nach ihm Böhmer, Kegesten Kaiser Ludwigs und seiner Zeit S. 204. datiren die Urkunde vom 17. Juni, indem sie tercia die gleichbedeutend mit feria tercia nehmen; doch ist dies keineswegs ausgemacht, so dass die Urkunde mit eben so viel Recht vom 18. Juni dem dritten Tage nach s. Veit datirt werden kann.

An seidenen Fäden hängt das grosse Siegel des Königs mit dem Riicksiegel.