In nomine domini amen. Statuta et ordinata ideo sub codicillorum amini- culo ponuntur, vt future propagini relinquantur, et vestigia bonorum operum ex semitis predecessorum posteri insequantur; inde est, quod nos Bolezlaus, dei gracia dux Slezie et dominus Wratizlauie, ad noticiam vniuersorum tam presencium quam futurorum testimonio buius pagine cupimus peruenire, quod ordinamus, statuimus et precipimus pro bono statu et commodo ciuitatis nostre Wratiz- lauiensis, si aliquis ciuis eiusdem ciuitatis per quemcumquc malificum captiuatus propter depecuniacionem fuerit, nisi quod absit, publica gwerra fuerit, quod de omnibus suis rebus tam mobilibus quam immobilibus pro ipso nichil dari debet, nec aliqua mobili re vel immobili redimi aut absolui. Et si aliquis ciuis detentus aut captiuatus fuerit, immomento de omnibus suis bonis mobilibus et immobi libus, que in prouincia possidet, sub sequestracione intromittere nos debemus, et quidquid de bonis in ciuitate Wratizlauiensi mobilibus aut immobilibus possederit, ad manus vniuersorum ciuium consules ciuitatis pro commodo et vtilitate heredum captiui accipiant et vsurpant. In cuius rei testimonium et euidenciam pleniorem presens instrumentum conscribi mandauimus et nostri sigilli caractere firmiter communiri. Actum Wratizlauie anno domini millesimo trocentesimo quinto pre- sentibus fidelibus nostris Gisilhero Colneri, iudice curie Wratizlauiensis, Bronizlao, Petro Kurzeboc, Sandrone Bolcz, Ebirhardo de Rorow, Swolone, filio Budewoii, et domino Frixschone dicto do Jareschow, prothonotario nostro Wratizlauiensi, decano Glogouiensi, per quem in vigilia beatorum Symonis et Jude apostolorum presentes littere sunt conscripte.

Mit dem Siegel des Herzogs.