Nos Johannes, dei gracia, Bohemie et Polonie rex ac Luczemburgensis comes, recongnoscimus et ad vniuersorum tam presencium quam futurorum noticiam tenore presencium volumus peruenire, quod dilectorum fidelium nostrorum ciuium Wratislauiensium grate deuocionis et sincere fidei promtitudine, quibus nostre celsitudini complacuerunt hactemus et complacere tenentur et poterunt in futurum, benigno pensantes affectu ac volentes ipsos perinde, quanto vberius poterimus, prosequi gracioso, sincere promittimus eos et eorum quemlibet ac vniuersos terre Wratislauiensis incolas et feodales in omnibus sibi competentibus iuribus et Hbertatibus seu immunitatibus super omnibus bonis suis in ciuitate Wratislauiensi et extra eam sitis, super quibus priuilegia uel quascunque autenticas literas vel

118

alias euidens poterunt testimonium demonstrare, ex quacunque racionabili aut euidenti concessione uel donacione diue memorie ducum Silesie ac dominorum Wratislauiensium sibi facta de benignitate regia in perpetuum conseruare et iura, libertates ac inmunitates huiusmodi ipsis uel ipsorum cuipiam nullatcnus uiolare. Quas jwcius, prout prouide et racionabihter facte sunt ipsis, ut super diuersis suis incommodis ac pressuris, quibus attriti sunt hactenus, noue respi- racionis sub nostro felici dominio remedia votiua suscipiant, approbandas duxi- mus et eciam confirmandas absoluentes eos perpetuis temporibus a dacionibus seu solucionibus generalis collecte regie, que vulgo „bernna" dicitur, et votan tes seruiciis suis et subsidiis, que seruire ac dare consweuerunt, hactenus gradose in posterum contentari. Predictam quoque terram Wratislauiensem et vniuersos eius incolas in quibuslibet iustis causis contra quascunque personas seculares et ecclesiasticas principes ac principum subditos super hereditatibus, debitis vel cul- pis aliis confouere vbilibet potencie nostre dextera disponentes prefatos ciues Wra- tislauienses ac eciam Nouiforenses nec non tocius terre Wratislauiensis incolas vniuersos, quandocunque et vbicunque per regni nostri Boemici et aliarum terra- rum nostrarum loca, in quibus thelonea de mercibus requiruntur, transitum cum quibuscunque suis mercimoniis fecerint, de solucionibus theloneorum hujusmodi liberos perpetuo esse volumus et exemptos. Ad maioris eciam expressionem nostre gracie sepedictis Wratislauicnsibus ciuibus ac terre Wratislauiensis inhabitatoribus vniuersis duximus nostro heredum et successorum nostrorum Boemicorum regum nomine firmiter promittendum, quod ipsam terram a predicti regni nostri Boemici vnionc nullis vnquam temporibus vendicionis, permutacionis, obligacionis, infeoda- cionis, vel cuiuscunque alienacionis titulo disiungemus nec ipsam alicui capita- neorum locabimus sub determinata annua pensione, que vtique sepedicte terre Wratislauiensi et eius incolis vergeret in notabile detrimentum. Nullum eciam alium preterquam aliquem terrigenam ydoneum ipsi terre capitaneum preficiemus aut prefici paciemur. Et quascunque terras Polonicales aut earum partes vel loca a nostris rebellibus deo nobis cooperante quomodocunque obtinuerimus, illas et illa prefate terre, vt ex eo status eius in melius proficiat, coadjuncturos insepara- biliter nos spondemus nolentes, quod aliquis ciuium Wratislauiensium extra ciui- tatis Wratislauie iudicium pro vllis debitis, hereditatibus aut causis aliis quibus cunque alibi responsurus trahatur, vel eciam vllus feodalium et iucolarum terre Wratislauiensis sepedictorum extra ipsius terre iudicium pro debitis, hereditatibus aut causis huiusmodi ad judicium longinquius vel eidem intolerabilius aliqua- tenus euocetur. Promittimus preterea nullum terre ac ciuitatis Wratislauiensis proscriptorum irreconciliatum leso uel propinquis, si idem lesus non extiterit, nostre gracie reformare uel ei trengas pacis aut quascunque inducias in terra vel ciuitate Wratislauia sepedicta manendi vel standi aliquatenus indulgere volentes firmiter, vt vniuersus dyocesis Wratislauiensis clerus diuina in ciuitate Wratis lauia sine racionabili et legittima causa ammodo suspendere non presumat, et super quibuslibet causis suis dilectos fideles nostros ciues ac feodales Wratisla- uienses ad orum ecclesiasticum, ante quam ciues ipsos in judicio ciuili et feo- dales predictos in judicio prouinciali conueniat, idem clerus trahere similiter non presumat; in quibus siquidem iudiciis, si ipsi clero justicia conueniens fuerit dene- gata, extunc prosequendi jura sua coram spirituali iudice plenam habeat potesta- tem. In quorum omnium predictorum robur et testimonium presentes literas

119

fieri et sigillo nostro maiori iussimis roborari. Actum Wratislauie presentibus spectabilibus et nobilibus viris fidelibus nostris dilectis Joffrido de Liningen et Georio Irsuto, comitibus, Hincone Berka de Duba, burcgrauio Pragensi, Henrico de Lypa iuueni, Ottone de Bergow, Benessio de Warthinberg, Heynmanno de Duba dicto de Nachod, Henrico de Luchtinburk, Conrado de Sleyda, Arnoldo de Bittingin et Henrico Bauaro de Bopardia et aliis quam pluribus fidedignis anno domini millesimo trecenthesimo vicesimo septimo proxima feria secunda post diem palmarum.

Mit dem Siegel des Königs.