Wir Karl, von gotes gnadin romischer keiser, czu allen czeiten merer des richs vnd kunig czu Behem, bekennen vnd tun kunt offenlich mit disem brieffe allen den, die in sehen odir horent lczen, das der burgeimeister, der rate vnd

224

die burger gemeynlich der stat czu Bretslaw, vnsere lieben getruwen, vns recht lich vnd redlich berechent haben alle gulde, czinse vnd gelde, die sie von vnsern wegen von den landen vnd steten Bretslaw, Nevnmarkte, Goltperge vnd Namps- low vnd allen iren czugehorungen ufgehebt vnd innegehabt haben bis uf den aschtag, der schirist kumpt, vnd dorumb so sagen wir fur vns, vnsere erben vnd nachkomen kunge czu Behem dieselben vnsere burgere der vorgenanten gulde, czinse vnd gelde aller sache quyt, ledig vnd loz, vnd uber alle dieselben gulde, czinse vnd gelde so sein wir denselben vnsirn burgern schuldig achczehen hun- dirt mark vnd fumfczig mark pregischer grozzen polonischer czal, vnd in denselben achczehenhundirt vnd fumfczig marken ligen ouch die sybenhundirt mark der selben grozzen vnd czal, die sie fur seliger gedechtnuzze etwenn den hochgeborn Bolken, herczogen czur Swydnicz, vnsern lieben swager, dem erwirdigen Precz- lawen, bischoif czu Bretslaw, vnserm fursten, ratgeben vnd lieben andechtigen, vorrichten vnd beczalen. Mit vrkund dicz briefs vorsigelt mit vnserm anhan genden ingesigele. Geben czu Bretslaw noch crists geburde dreyczehenhundirt iar dornach in dem aynvndsybenczigstem (!) iare an dem donerstag noch dem obersten tag vnserre reiche in dem fumfvndczwenzigstem (!) vnd des keisertums in dem sechczehenden iare

„ T . -, ad relacionem d. de Coldicz

K. Johannes Saxo. „ T

r. Jaurensis.

An Pergamentstreifen das kleine Siegel des Kaisers.