Vniuersis presentes litteras inspecturis frater Gwido, miseracione diuina tituli sancti Laurencii in Lucina presbyter cardinalis, apostolice sedis legatus, salutem in domino. Nouerit vniuersitas vestra, quod cum inter religiosos . . abbatem et con- ventum beate Marie virginis in Wratislauia ordinis sancti Augustini ex vna parte ac discretos viros . ., plebanos ecclesiarum sancte Mario Magdalene et sancte Eli zabeth eiusdem ciuitatis, ex altera super cereorum et palmarum benediccione suborta fuisset materia questionis, tandem eadem causa sic inter eos extitit con- corditer terminata, videlicet quod dicti plebani sancte Marie Magdalene et sanete Elizabeth de cetero sine contradicione abbatis et conventus predictorum cereos in purificacione beate virginis ac dominica ramis palmarum ramos benedicant, ipsi- que plebani nullum de parrochianis suis deinceps impedient seu molestare pre sument, quod libere et absolute ob causam deuocionis accedere possit ad pre- dictam ecclesie (!) sancte Marie virginis pro cereis et palmis benedicendis. Quod vtraque pars firmiter acceptauit et a nobis super predictis litteras postulauit, quas eis in testimonium duximus concedendas nostri sigilli munimine communitas. Datum et actum Wratislauie Idibus Ffebruarii anno domini millesimo cclxvll, in- diccione X, pontificatus domini Clementis, pape quarti, anno II.

37