Nos Johannes, dei gracia Boemie rex ac Lucemburgensis comes, constare volumus tenore presencium vniuersis, quod fideles et dilecti nobis consules ciui tatis nostre Wratislaviensis se regio offerentes conspectui nonnullos notabiles de- fectus jam dicte ciuitatis nostre nobis rationabiliter proponebant, in eo videlicet quod propter prouincialis judicium aduocati wlgo „voytding" nominatum tribus vicibus in anno quolibet seruari consuetum multi in suis iuribus impedirentur, ac etiam quod post obitum parentum wlgariter „noch totir hant" dictum heredes eorum conuenti judicio pro debitis, si iidem heredes tale negauerunt debitum, sex sibi assumptis testibus iuramentum pro eodem debito facere contingebat; nos igitur consideracione habita, quod ipsa dicta nostra ciuitatis Wratislauiensis eapropter dispendium non modicum patitur et grauamen, dictorum nostrorum fidelium grata ac accepta seruicia pre oculis nostris habentes ipsorum votiuis precibus acquiescendo benigniter talia prouincialis aduocati judicium et iuramentum, quod sic post obitum per sex testes hactenus est seruatum, presentibus reuocamus et temporibus perpetuis omni modo abolemus. In cujus rei robur firmitatis presentes literas fieri et nostri Sigilli appendio fecimus com- muniri. Datum Wratislavie anno domini millesimo trecentesimo tricesimo septimo sabbatho ante dominicam, qua cantatur letare Jerusalem, presentibus fidelibus nostris dominis, Ottone de Bergow, Arnoldo de Blankinheim, Johanne de Clingen berg , Johanne Czamborij, Henrico de Hugwicz, Cunado de Falkinhain, Giscone Je Reste et aliis.

An seidenen Fäden hängt das grosse Siegel des Königs mit dem kleinen als Rüc1;siegel, welches letztere die Umschrift hat: SECRETVM JONIS REGIS BOEMIE ET COMITIS LTC- CELBVRGEN . .

140