Wir ratmanne czu Breslow tun kunt allen, dy desin brif ansehin adir horin lezin, das wir mit rechtir merkunge gewegin habin, wy wir dy irbirn manne meystern Tilen, Hannosen Jordan vnde Heinrichin brudir, genant von Gandirsem, dy do becken machin durch eris hantwerkes wille, czu vromen der stat von vrem- din lendin czu vns habin geladin vnd geruft; dorumme mit rate vnser scheppfin, gesworne vnd alle vnser aldistin welle wir dy egenanten brudir mit vorteyl sun- dirlichir genadin begoben vnde vorlien en volkomene macht, das sie vnde ir icz- lichir eyner ane alles geschossis geswernisse in vnser stat, dy wile se leben, vry vnde los siczen vnde wonen sullen. Dorczu globe wir ane alle wedirrede den selbiu brudern eyn hws czu schicken vnde schaffin, das se von desim tage obir vir gancze iare dorynne wonen sullen frie are allen czins. Czu orkunde des habe wir desen briff mit vnser stat ingesegel heysin vorsegiln, gegebin am dinstage noch inuocauit noch gotis geburt tusint dryhundirt iar in deme sebin vnde seben- czigisten iare.