CLXXI.

Uniuersis christi fidelibus tenorem huius pagine cognituris. Ego Rudegerus dictus de Losenhaim salutem in christo iesu omnium sal- uatore. Quoniam ea, que geruntur sub tempore, vicissitudine decur- suque temporis quodammodo immutata calumpniatorum plerumque offenduntur insidiis, uigilans cautaque hominum prouidencia aeta sua sigillis solet et testibus posterorum memorie comendare. Hanc igitur et ego discrecionis formam imitans perpetua huius scripti auetoritate profiteor et protestor, quod, cum pro redempeione peccaminum meo- rum in usus venerabilium fratrum in sáneta cruce christo militancium sexti dimidii talenti redditus in Hovelin, quemadmodum in alio expres siun est privilegio, contulissem, aduocaciam tamen eorundem reddituum nequaquam a me ipsis licet insistentibus uolui elongare. Ceterum nunc

Fonies. XI. H

162

instanti honestaque prorsus precum admonicione ab eisdem persuasus fratribus illius nimirum michi suggerente spiritu, qui nec calicem aque frigide absque remuneracionis mensura bona, conferta, coagitata ac supereffluente sinit aliquatenus deperire, omnem plane aduocacie mee in prefatis bonis auctoritatem, iurisdictionem, respectum domui sanete crucis legitima ac summa libertate confero, nichil ex hinc omnino iuris in eisdem michi vendicans, quatenus et ego pro hac mea donacione in oculis districti iudicis in extremo examine graciam me- rear inuenire. Verumtamen ut uniuersa hec bono tractata modo recor- dacioni omnium facilius imprimantur, in testimonium quasi perhenne dimidiam carratam vini a predictis viris religiosis accepi, testes idoneos ad firmamentum huius negocii exprimens, quorum eciam sigillis hanc paginam uolui comunire, quorum nomina sunt hec. Reinpertus de Chranehperch, Heinricus de Hovnvelde, Eberhardus de Pâhperch. Actum anno domini M? CC? LXIIII? III? nonas Septembris.

Original auf Pergament mit einem Siegel, die beiden andern fehlen.