CCCXVIII.

Jch Wichart von Arnstein tvn ze wissen allen den, di disen brief lesent sint, daz ich dem abt Vlreich vnd der Samnung datz dem

285

heiligen Crevtz versetze min mvl vnder îninem hows, dev da haizzet Mitter Mvl, vvr fvmf phunt pfenning, dev ich in schuldich belaib an dem tag, do min vater do bestattet wart, zwai pfund beraitter pfenning, dev ich datz in entnam, vnd drev pfund vvr die Choste, also daz der abt vnd dev Samnung die vorgenantev mvl mit dienst vnd mit nutzze schullen inne haben, vntz si sich fvmf pfvnt ab vergelte. Zeiner stetichait diser dinge vnd zeinem vrchund gib ich in disen brief ver sigelt mit mins vetern hern Chunrates von Arnstein vnd mit min selbes Insigel. Der Satzung sind ovch gezevch Herr Levpolt von Sachsengang vnd sin svn, Her Otto von Wildehke vnd sin bruder Rapot, Herr Rapot von Arnstain, vnd ander vrumer lewt vil. Dieser brief ist gegeben an dem maentag vor vnser vrowen tach zv der Lieht- messe, nach christes gebvrt vber towsent zwai hundert vnd in dem subenten vnd Newntzigisten Jar.

Zwei gleichlautende Originale auf Pergament, an deren jedem ein Siegel hängt, das zweite fehlt.