Ich Fridreich der Walich von der Freinstat vnd mein haus- frowe vnd vnser eriben wier veriehen vnd tuen chunt allen den, die disen brief lesent oder horent lesen, daz wier mit vnserr nasten vnd pesien freunt rat haben verichtet vns mit den geistleichen herren des chlosters von Hohenfuert vm di tzway weingertel, dï mein vater vnd sein hausfrowe in geschafft hat, vnd der leit ains pei Leubs an dem Haslech vnd dient alle iar au sand Michels tag drithalben Wienner phenninch sand Mertein hintz Zebing, daz ander leit pei Goboltzpurch in den Gern vnd dinent alle iar an sand Michels tag funf Wienner phenning den herren von Chirichling, vnd di selben weingaertel hab wier in ledich lazzen vnd haben seu aufgegeben mit perchherren hant dem geistleichen herren hern Hainreichen ze den tzeiten ierm pitantzer an ier aller stat, vnd darvm habent seu vns gegeben dreu phunt Wienner phenning, der wier schon gewert sein. Wier schule auch fuerbaz der vorgenanten weingaertlein ier rechter scherm sein fuer alle ansprach. Vnd ich Fridreich Walich gib in darvber disen brief ze vrchund versigelt mit meinem insigel, vnd tzu ainem gezeuge versigelt mit hern Chunrates des Walich in sigel, vnd zu gezeuge di erbern leut hern Vlreich vnd hern Pilgreim di Walich, hern Nyklan ze den tzeiten pharrer datz Tzebing, Mari- charten den Poschen ze den tzeiten richter datz Leubs, Vireichen den amptman, Nyklan seiner swester sun, vnd ander leut genueg, den di sachhe wol chund ist. Der brief ist gegeben nach Christes geburd dreutzehen hundert iar dar nach in dem funf vnd dreizigi- stem iar an sand Cholmans tag.

Zwei kleine, gut erhaltene, an Pergamentstreifen hängende Siegel in weissem Wachs. — Heide bestehen aus einem ¡n drei dreieckige Felder gc- theilten Schild. — f S. Fridrici . Latini. — f S . Chvnradi . Dictv» . Walich.

Fontes. Abth. II. Bd. XXIII.

82