Wier Peter von Rosenwerch tuenn ze wizzen chvnden vnd veriehen allen, di den prief sehent oder lesen heorent, di nu lemp- tig sint oder her noch chvmftig werdent, das wier von guetem rat wol verdacht haben mit dem ersam hern hern Thoman dem apt mit samt seiner samnung zdem Hohenfuert vnser Stiftung recht vnd red- leich einen wechsel getan, do (wir) iz wol mochten getuon. Also das wier vmb ier dorf Ponedras, das gelegen ist in des pfarr zdem Wessel, in haben gegeben vnser deorfer ains, das e zu Rosenwerch hat geheort vnd gelegen ist in der pfarr ze Hohenfuert, Raifmais genant, mit alle dem nutz, mit all der gelegenhait vnd freivng ver- suecht vnd vnversuecht, als wier iz gehabt haben, also beschaiden- leich, das di ebgenanten hern apt Thoman vnd di samnung gemain von Hohenfuert das vorgeschriben dorf Raifmais haben vnd pesitzen schullen vnd niezzen, als si pest mugen, an all ansprach vnd an allen chrieg vnd an allev hindrung vor vns vnd vnserr gerben schol iz zu dem chloster ze Hohenfuert geheoren vnd ewichleich beleiben. Das der wechsel vnd di redd stet vnd vnzeprochen beleih, dar vmb geb wier in zu einem gewizzen vrchvnd vnd zu einem worn gezeug

ilisen prief bestetigt viul versigelt mit vnserm anhangundem insigl. Der wechsel geschah vnd der prief wart gegeben do von Christcs gepuerd ergangen waren tausent jar vnd drev hvndert jar, dar nach in dem czwai vnd dreczkistem jar an dem heyligen vnser vrown tag zder heyligen liechtmess.

Kleines, an Pergamentetreifen hängendes Siegel in weissem Wachs. — Ein Helm, dessen Zierde eine Rose; der Grund mit Sternchen ausgefüllt. — -j- S. Petri. De. Rosemberch.