LXI. Herzogin Agnes von Schweidnitz stellt die Kammerherren zu Reichenbach in dem alleinigen Rechte des Gewandausschnittes wieder her und schafft den Gewandaasschnitt der Weber daselbst, welchen denselben Herzog Boleslaw 1367 verliehen, als unrechtmässig ab. Schweidnitz, den 28. Februar 1369. Original im Provinzialarchiv, Urkunden der Stadt Reichenbach No. 14. Wi ir Agnes, von gots gnadenherczoginne yn Slezien, frouwe von Furstinberg zu derSweid- nicz vnd zu dem Jauwor, tuen kunt eweclich vnd bekennen offenlioh mit disem brieue allen den, die in sehen, horen odir lesen, daz yn dem iare, do man czalte noch Crists gebort drei- czenhundert iar dornoch yn dem sebenden vnd sechczigisten iare am dinstag yn den oster- heilgen tagen (20. April) quomen die wewer von Rychenbach kegen der Lobow vor den hochgebornen fursten vnd herren ierczogen Bolken, etswenn herren zu der Sweidnitz vnd zu dem Jauwor, vnsern lieben gemahelen vnd herren, dem got gnade, vnd kouften daz gewandsnyden doselbist zu Rychenbach yn der stat wedir in, daz die gewandsnyder vnd cammerherren von Rychenbach wedirsprochen doselbist yn seiner kegenwortikeit vor im steende. — Dornoch alz man czalte noch Crists geburt dreiczenhundert iaryn dem neunden vnd sechczigsten iare an dem sontage (25. Febr.), alz die heilge kirche singet reminiscere noch tode dez obgenanten vnsers lieben herren quomen die gewandsnyder vnd camerherren von Rychenbach vor vns vff das hous zu der Sweidnicz vnd clageten vns, daz die obgenan ten wewer daz gewandsnyden zu Rychenbach gekoufft hetten, daz ir rechtis erbewere, vnd bewyseten daz mit dryen reten der stat Rychenbach, daz is von vzsaczunge der stat Rychen bach ir rechtis erbe were. Sie bewyseten ouch, do sie den egenanten kouff vor vnserm her ren wedirsprochen, daz in vnser herre der herczog, der obgenante, iren brieff zureis, den sie obir daz gewandsnyden gehabet hatten, vnd boten, daz wir sie wedir zu irem erbe, dem gewandsnyden, von vnsern gnaden wysen wolden. Zo boten die egenanten wewer von Rychenbach, die ouch doselbist vor vns kegenwortig stuenden, vnd mit namen: Jekel Wygaudisdorfi, Hannos Czorner, Nickel Winter, Hannos Küler, Hannos Pfaffendorf vnd Petir Czippfel von iren wegen vnd ouch von irer ganczen gemeinde wegen, die iczunt we wer sint zu Rychenbach vnd hernoch yn kunftigen czeiten doselbist wewer werden, daz wir 1) Zwei der hier als Aellesten genannten Personen waren nach den Angaben des Stadtbuches 1362, zwei 1363, die übrigen 1364 Rathmannen. 62 sie bie irem kouffe noch lute irer brieue behalden wolilen. Die czweiuuge vnd den krieg bedachten wir, wann vnser vorgenante etat Rychenbach do von vorterben mochte vnd vn- der in ouch selben grozzer krieg vnd czweiunge entsteeu mochte, vnd entschieden daz mit rate vnser getruwen manne vnd ouch mit rate vnser getruwen stete mit beider teile willen vnd gelob, wann sie is mit bedachtem mute vnd vmbetwungen goben yn vnser hende in beidersyt vngewaldig, daz die obgenanten gewandsnyder vnd camerherren von Rychenbaeh bie irem gewandsnyden bleiben sullen daz ir rechtis erbe ist, alz sie is von aldirs gehabet haben; abir einen strycher sullen die selben gewandsnyder vnd camerherren seczen. Der selbe strycher sal haben von iczlichem tueche einen heller; denselben heller sal geben iener, der daz gewand keuffet, er sei burger odir gast, vnd dieselben heller sullen ouch heben vnd haben die obgenanten gewandsnyder vnd camerherren vnd die diener des kouf huses do- mete halden. Zo sullen die oftgenanten wewer weren fier vnd dryssik ellen an iczlichem tueche den gast alz den burger; wörde abir ein tuech vordicket, daz man daz küntlich köre; gebreeche dez eine halbe elle, daz sal nicht zuuore ') steen. Dasselbe gewandsnyden ha ben wir von vnsern furstlichen gnaden den obgenanten gewandsnydern vnd camerherren wedir gegeben vnd wedirgelegen vnd geben vnd lyen is in, iren erben vnd uochkomelingen mit kraft dicz briefs yn der mazze vnd vnderscheide, als obengeschriben steet, zu alle dem rechte vnd nucze vnd zu allen den wirden, alz sie is von aldirs gehabet haben, erblich, eweclich, gemachsam vnd vngehindert von vns vnd allen vnsern nochkomelingen, fursten dicz landis, zuhaben vnd zu besiczen vnd alzo vornemelich, daz nymand zu Rychenbaeh ge wand snyden sal mit der ellen, wann die obgenannten gewandsnyder vnd camerherren do- selbist. Sunderlich bekennen wir ouch, daz dieselbe obgenante berichtunge vnd entschei- dunge ist gescheen mit willen vnd gunst vnser ratmann zu Rychenbach Nickels Steyn- brücke, Hensels Tanwolf, Hanken Sydels, Hensels Schonewald vnd Heinen Tisschelechers vnd ouch mit willen vnd gunst der stat Rychenbach eldisten, hantwerkmeister vnd geswo- ren. Mit vrkund dicz briefs, den wir mit vnserm grösten anhangendem ingesigel vorsigelt haben lazzen werden, gegeben zu der Sweidnicz an der nehsten mittewachen noch dem sontage, alz die heilge kirche singet reminiscere, do man czalte noch crists gehurt dreiczenhundert iar dornoch yn dem neunden vud sechczigsten iare. Dez sint geczeug vn ser lieben getruwen her Heinke vonMeienwalde, von Czedlicz genant, her Hentschel von der Rybenicz, her Heinke von Redirn, her Bernhard von Furstenstein vnd her Hentschel Koppe, gebruder von Czedlicz genant, her Nickel von dem Swein, Nikkel von der Rybenicz, Nickel Bolcze, vnser hofemeister, Nickel von Sachenkirche vnd ouch vnser getruwen Jekel Hirsel, Hensel Fridel, Hannos Tschope, Nickel Hofeman, Petir Schönkromer, ratman vnser stat Sweidnicz, Hensel Swenkenflegel, Hensel Sydelman, ratman vnser statStregon, Petsche Elle, ratman vnser stat Lauwenberg, Hensel Doring, Mertin Pussch, Hensel Obe, ratman !) So! vielleicht fur: zu kore. 63 vnser stat Hain, Junge Hannos, ratmanzu dem Bonczlaw, Cunod von Ludwigsdorfl, Girlach Bekker, Nickel Lomölner, ratman vnser stat Hirsberg, vnd Petir von Czedlicz vnser lant- schreiber. An grünen seidenen Fäden hängt das grosse Siegel der Herzogin Agnes.