LIV. Striegauer Rathswillkür, dass jeder zuwandernde Handwerker von seiner Heimat ein Leumundszengniss über seinen bisherigen Lebenswendel dem Rathe einzureichen hat. 1385. Ans dem ältesten striefrauer Stadtbuche f. 65. VY ir obgeschrebin ratmanne mit rate vnser eklistin, schepphin vnd handwercmeyster sin des czu rate wordin vnd wellin das vorbas me czu rechte habin, das wer do von andern landen, steten ader derfern her czu vns czuet ader kammit vnd wil sin ynnunge ader burger recht hy gewynnen, der sal bryfe ader gewysheyt von steten ader von gegenotin brengin, da her gewest ist, das her sich erlich vnd redelich vnd getruwelich gehaldin habe, vnd dy bryfe, dy her brengit, sal nymant vff brechin noch losin lesin; her enbrenge se denne vor vff das rathus vor dy ratmanne, do sal man se vff brechin vnd losin lesin, vnd by namen dy bryfe, dy den ratmannen sprechin. Wer dor obir tete vnd das breche, der sal das bessirn vnd abelegin der stat noch gnadin.