L. Rechte der liegnitzer Garnzieher nebst einer Rechtsbelehrung des breslauer Rathes für dieses Handwerk vom Jahre 1376 und einem Zusätze vom 4. Juli 1382. Aus den liegnitzer Handwerkerstatuten S. 13—15. n Vzu dem ersten: Wer czu in treten wil yn ire ynnunge, den sullen si brengen vfi das rat- hows, do sol her vor dem rate syne ynnunge gewynnen, di wart czu der czyt gesaczt uft eynen virdung, der sol halb blyben dem rate vnd der stat vnd halb den gewerken. 2. Do noch, was sie gebrechens vndir in mögen gewandiln mit eyme pfunde wachsis, das sol in volgen und blyben; was abir höer trit an gelde, das sullen sy brengen vor den rat, deme sol is halb geuallen von der stat wegen. 3. Auch wart gesaczt, daz si czu der innunge geben sohlen eyn pfund wachsis. 4. Auch sullen sy nymand heymelichen nemen yn ire ynnunge ane des ratis wissen. 5. Auch sullen si nymand vorswygen vndir in, der vngeschosset blybe. 6. Auch wart in das gegeben, wer do garn czewgen wil und vorkewfen, der sol treten yn ire ynnunge vnd sol geen yn ire morgensproche. 7. Auch geschach is czu eyner czyt, daz czweyunge was czwischen den gamczewgern und den wysgerwern um das, daz di wysgerwer garn machten ows der rawffwolle, di sy rewfften von iren velen; des wart man czu rate, daz man eynen briff kegen Bresslaw do- rumme sante, czu deruaren, wi man is dort bilde. Do schreben di ratmanne czu Breslaw her wedir in sulchen worten: Liben vrunde, alz ir uns geschreben habit von der garnczewger vnd der wysgerwer wegen, so wisset, daz di garnczewger eyne sundirliche ynnunge haben, vnd di wysgerwer auch sunderliche ynnunge haben; des czewgen di garnczewger garn und kewfen nicht vel, abir di wysgerwer, di czewgen nicht garn, sunder was si owsgerawfiter wolle haben, di sullen sy vorkewffen, und doby sol man di garnczewger auch behalden. Auch ist di vorgeschrebene sache mit rate und geheyse der eldisten und der geswor- nen czu eyme gedechtnisse und czu eyner vesten bestetigunge hi yn dis buch geschreben. Actum tempore Georgii Brockotindorfi, magistri ciuium, Nicolai Crodyn, Henrici Wynande, Petri Hertil, Nicolai Girdan et Johannis Cleynkawff sub anno lxxvi'°. 8. Auch geschach is abir do noch, namelichen noch gotis geburt towsund dryhundirt iar yn dem czweyvndachczigisten iare, do Pauwel Brockotindorfi Burgermeyster was, Tetir Hertil, Bernhard Gor, Jorge Gythan, Pauwel Wysgerwer vnd Hanco Kern ratmanne waren, daz den wysgerwern garn genomen wart, daz si gemachet hatten von owsgerawffter wolle. Auch bekenne wir vorgenanten burgermeistir vnd ratmanne, daz wir durch irr bete willen 75 di sachen czwisschen in vnd den garnczewgern vorrichtten, also daz man den wysgerwern das garn wedirgab, vnd si, di wysgerwer, kwamen gemeynlich vnd mit iren geswornen vor vns vor gesessenn rat vnd vorwilkurten sich vnd begaben sich des mit iren geswornen, daz man is vorbas halden sulde, alz man is czu Breczlaw geholet hat, alz vor steet geschreben, vnd ab ymand vorbas me vndir in garn machete, is were, wer is were, by dem is begriflen wurde, das garn sol gar vorlorn syn vnd sol halb volgen vnd werden der stat vnd halb dem hantwerke der garnczewgere. Scriptum et actum anno domini quo supra feria viu proxima post festum Processi et Martuniani (!).