XXXHI. Gesetze über den Brotmarkt zu Striegau vom 4. December 1359. Aus dem ältesten stricganei' Stadtbuche f. 20. V or vns obgeschrebin ratlute in offinbarer kegiuwertekeyt vnser eldisten, schepphin vnd hantweremeyster gestandin sint Nyckel Stynow vnd Hensil Heymelich, vnser becker- meyster, vnd habin sich von err gewerkin weyne gemeynlich williclich vorlobit vnd vor- bunden, das sy vorwert me ewiclich er brot, das sy backen adir backin werdin, vfi den vryen markt gar vnd alczu mole vs tragin sullen, vfi eyn wayn, adir vff eyn schrayn, adir in eyue bote vff eyn hüfen vnd sullen des nichtis nicht do heyme in err herberge lasin noch behaldin. Sy sullen ouch des selbin brotes nichtis nicht wedir in lazin tragin. Ouch sul len sy das selbe brot by tages lychte gar vorkoufin. Sy vnd ouch dy geste sullen nicht e er brot vorkoufin, man lüte denne dy gloeke vff dem markte. Sy sullen sich ouch des sel bin brotes nicht wedir vndirwindin noch wedir czu en neraen heymelich noch offinbar noch keyne argelist dor yn legin, sunder sysullen alle dy vorbegryffin stucke stete gancz an' ar- gelist ewielichin haldin. Welch beckir obir das der obg. stucke eynis adir me breche, dem sullen dy ratlute, wer dy sint, alle das brot, das man by em vindet, is sy in dem huse adir vff dem markte, lazen nemen vnd deu sychin in das spetal gebin, des sullen wartende sin alle wochin vff den vrytag eyn hantweremeyster mit der burger knechte. Do kegin ist den vorb. vnsern beckern von gnadin der stat gebin, das man vorwert me ewielichin keyne stro- czil, ruckin noch weysin, her sal vuren, man sal ouch vorbas me bin der mile vff den vryen markt nicht backin in keynir hande wys. Ouch ist dor yn gered, das dy placzbecker vor bas me mit erem eygin holcze den luten sullen backin von den beckern vngehindert. Dy gelubde sint geschen an der metewochen vor sante Nyclos tag in dem obgeschrebin iare. 49