XXXIV. Gesetze über den Handel zu Breslau vom 24. Juli') 1360 2). Aus dem Stadtbuche des breslauer Stadtarchivs genannt der Antiquarius fol. 38TO — 40. W ir ratman der stat Breslow bekennen offinbar an desim briue, daz wir mit rate vnser eldistin vnd geswornen vnsern willen dorczu haben gegebin von der vorbenanten vnser stat wein, das di erbern Iwte, kouflute vnser vorbenanten stat, habin vnser stat czu erin vnd in czu nücze bedocht vnd gesaczt czu haldin mit vnsim rate vud gewissin dise hernoch- beschrebenen zachin als wit, als der vorbenanten stat Breslow wicbilde beuangen hat, by den busen, di hernoch beschrebin sten: 1. Czu dem allirerstin, das ein iczlich man trybe koufmanschaft, di gotlich, erlich vnd recht sye, das der stat kein bose wort do von in andern landen vnd stetin icht entste. 2. Ouch sal kein man gelt vf golt lyen adir gebin noch vf keynirleye ware, sye en sy denne do geginwertig, daz her sye sehe vnd ir gewaldig sye. 3. Is sal ouch nymant golt noch guldin gelt vorkeufin, wenne vmme bereit gelt. Swer das breche, der sal gebin von iczlicher marke goldis eyne mark grosschin vnd vom goldinne (gelde?) eyn scot pfenninge. 4. Is sal ouch nymant vorborgin gewant, kuppfir, wachs, pfeffir noch keynirhande ware einis vremdin mannis, der vnse burger nicht enist. Wer das breche, der sal gebin von der marke eynen halbin virdung. 5. Is sal ouch kein man vnder den koufkamern pfaffingut noch kein gut hantiren, do von her in wjnnunge gebe, vnd do von der stat kein recht geschit. Wer do wider tete, der sal gebin yo von der marke eynen halbin virdung. 6. Is sal ouch nymant gewant ader keynirhande war, di her vorkouft hat, selber wider- keufin adir widervirkeufin, deme her sye verkouft hat, noch in syner gewalt vbir nacht be l) Die Datirung ist nach von der Hagens Geschichte u. Beschreibung des breslauer Tuchhauses Breslau 1821, welcher das jetzt verloren gegangene Original noch benutzen konnte; nach seiner Angabe S. 20 war es am Abende vor dem Tage st. Jacobs des Apostels ausgestellt. Mit dem s. Jacobstage ohne weitere Bezeichnung pflegt ge wöhnlich das Fest des älteren Jacobus (25. Juli), gemeint zu sein, wie auch hier angenommen worden ist. Im An tiquarius steht die Urkunde zwar zwischen zwei anderen vom 17. und 26. Juni desselben Jahres. Da in demselben jedoch keineswegs die chronologische Reihenfolge der einzelnen Aufzeichnungen streng gewahrt ist, so ist bei der Datirung von der Stellung der Urkunde in diesem Stadtbuchc ganz abgesehen worden. Andernfalls müsste an genommen werden, dass sie am Vorabende des Festes des jüngeren Jacobus, des Sohnes des Alphaeus, (21. Juni) ausgestellt sei, welcher Tag allerdings zwichen 17. u. 26. Juni fällt. 2) Ein grosser Theil dieser Gesetze §§ 1—10 gehörte bereits einer Urkunde des Jahres 1339 an, da von der selben jedoch weder das Original noch cinigerroassen zuverlässige Copien erhalten sind, sondern nur eine äusserst unkritische Uebertragung in das heutige Deutsch, welche sehles. Prov.-Blätter N. F. 1866. S. 24 — 26 abgedruckt ist, so ward für diese Sammlung von einer Wiederholung des Abdruckes Abstand genommen. VIII. 7 50 haldin. Spricht her aber, is ensye im dennoch nicht vorgewisset, so bite her ir nymande an, bis sy im vorgewisset sye, vnd losse sye yenen denne selber hinwek tragen vnd selber verkeufin; swer das breche, der sal gebin yo von der marke grosclnn einen halbin virdung. 7. Is sal ouch nymant das, daz her vorborgit hat, schatzin, swas is geldin möge, vnd di wile gelt lyen, wenne do von wechsit gerne hernoch boze rede. 8. Is sal ouch nymant dem andern synen koufman intspehin, noch eyme andern syne ware krenkin adir schendin, noch an keinen zachin hindern an syme koufe. Swer wider di beide tete, der sal von iczlichim tuche gebin eine mark groschin. 9. Is sal ouch nymant kein ander czeichin, wen als is in Vlandern ist gemerkit, vf sin gewant machin; swer das brichit, der sal von iczslichim tuche gebin eine mark groschin. 10. Is sal ouch nymant gewant, noch kein ander war, der her nicht bereit hat, verkeu fin adir vordingen; wer do wider tete, der sal vorbas me kein koufmanschaft trybin vndir dem kouf hwse. 11. Is sal ouch kein gast wider den andern in vnser vorbenanten stat keufin noch ver keufin golt, sylber, goldine noch keynirhande war, noch koufmanschaft ane alleyne wyne, hering, vische, pfert vnd vi; wsgenomen alleyne di czwene iarmerkte, di sullin vrye sin, als sy von alder gewest sin. Wer daz breche, der sal der buse sin bestanden: Welch wirt das ouch in syner herberge gestatte, der sal der buse sin bestanden. 12. Ouch sal kein gast dem andern in den iarmerktin verborgin gewant noch keynir hande koufmanschaft. Swer do wider tete, der sal gebin von iczlichir marke eynen halbin virdung. Wer abir, daz eyn gast gewant herbrechte czu vorkeufene, daz sal her verkeufin binnen eynen mandin vnd nicht vnder vir tuchen vnd sal daz nirgen veyl habin, wen vnder dem kouf hwse vnd an dem marktage, vnd wo hers binnen dem manden nicht verkeufte, so sal hers wider wek vüren, vnd wo her des nicht tete, so sal her gebin von iczslichim tuche eyne mark. Wer ouch das bobin vir wochin herbergte, der sal gebin von iczslichim tuche eyne mark. 13. Is sal ouch keyner vnser burger eins gastis war, di her hi gelossin hette, verkeufin in syme namen eyme andern gaste, adir war keufen in syme namen eyme gaste. Wer do wi der tete, der sal gebin von iczslichir marke eynen halbin virdung. 14. Is sal ouch ein iczslich weber ein iczlich lang tuch machen von virczig elin lang vnd eyn kurcz tuch von xxxm elin lang. Welchs czu kurcz wurde, das sal man im abeslon; welcbs ouch czu lang wurde, daz sal man im geldin. 15. Is sal ouch kein weber webchin machin. Wer das breche, dem sal man das web- chin nemen. 16. Ouch sal kein weber icht wsnemen, wen her sin gewant verkeuft. Wer do weder tete vnd das vberredt wurde, der sal gebin eynen virdung, vnd welch koufman das wuste vnd nicht meldite den kamermeystern, der sal ouch eyns virdungis sin bestanden. 61 17. Alle der vorbeschrebenen busen sal vnse vorbenante stat habin czwene pfenninge vnd di kouf lute den dritten. 18. Is sal ouch nymant, der nicht czu kamern stet, lange tuch von Gint, von Brossil adir von Louin sniden; wer do weder tete, der sal gebin von iczlichim snite drye mark gro- schin, vnd das tuch sal czuvor vorlorn sin. 19. Is sal ouch nymant, der nicht czu kamern stet, snyden keynerleye schongewant; wer daz breche, der sal gebin von iczlichim snite 1^ mark vnd das tuch (sal)') czu vor ver lorn syn. Wer ouch snyte tuch von Brug ader von Mechel, der nicht czu kamern stet, der sal gebin czwu mark groschin von iczlichem snite, vnd daz tuch sal czuvor verlorn sin. Wer ouch snite tuch von Yppir, von Korterich ader eyn iczlich schone tuch, der nicht czu kamern stet, der sal gebin von iczlichem snite 1£ mark, vnd daz tuch sal ouch verlorn sin. 20. Is sal ouch nymant, der nicht czu kamern stet, her sy weber, nunne, geistlich ader wertlich, ader wer her were, lancgewant snyden; wer das broche, der sal geben von iczli chim snite dry virdunge, vnd daz tuch sal ouch czu vor verlorn sin. Wer aber, das eyn weber lancgewant snite, der sal gebin von rote vnd willen der geswornen vnder den We bern, di das mit den kamerherren vberein getragin han, von irre gewerkin wein, von itzli- chim snite dry virdunge, vnd daz tuch sal ouch czu vor verlorn syn, vnd derselbe sal sins hantwerkis als lange enpern vnd nicht tryben, bis her sich mit den koufluten vnd den kamermeistern berichtit. 21. Is sollen ouch dry eyn tuch keufen vnd daz teilen vnder den kamern in dry teil, also daz eyn teil als lang sye als daz ander, vnd wer das breche, daz das anderswo geteilt wurde, tzu weme das were, der sal gebin eyne halbe mark, vnd das tuch sal czu vor verlorn sin, vnd welch schroter in das gewant teilte, wo man das irvüre, der sal eyner halbin marke sin bestanden. 22. Ouch sal eyn iczlich koufman, der nicht czu kamern stet, weme her schone gewant verkeuft czu cleydern, das lossin teilen vnder deme koufhwse in dry teil, also das eyn teil als lang behalde als daz ander. Wer das breche, der sal gebin dry') mark groschin. 23. Is sal ouch kein cromer snyden tobilzan, Harras, noch Berwer, noch kein wullin gewant. Wer do wider tete, der sal gebin von itzlichim snite eyne halbe mark groschin, vnd daz tuch sal ouch czu vor verlorn sin. 24. Alle dy vorbananten, busin von gewantsnyden sal der kamerherre, wer der were, nemen czwene pfenninge vnd di kouf lute den dritten. Ouch sal der kamerherre, wer der sye, sendin mit den koufluten, wen sy di busen ader gewant, di in antretin, welden nemen, syne boten, daz si den koufluten behulfin sin, vnd wenne her in nicht hulfe mite sente, so sal her ouch kein teil an den busin ader gewanden habin, di di kouf lute czu der czit nemen. J) fehlt *) ausgestr. darüber: eyne. 7* 52 25. Ouch sal der kamerherre, wer der sye, di vorbenanten vnse kouflute by rechte behaldin. 26. Alle der vorgeschrebene rede welle wir rathman gewalt habin czu meren czu myn- ren ader czu bessern noch der stat ere vnd der kouflute nüsz vnd vrome. Czu alle der dinge gedechtnisse ete.