XXVI. Gesetze über den Weinschank zu Striegan 1352. Aus dem ältesten striegauer Stadtbuehe f. 9. Wi ir obgeschrebin ratlute sin czu rate wordin mit rate vnser eldesten vnd wellin, das vor- bas me dy ratlute, wer dy sint, keynis gebuedes redelichis von stat weyne noch von der kirchin weyne begynnen noch buen sullin; is en gesche denne mit der eldesten wyssin vnd geheyse. 2. Wir wellin czu dem ander mal czu rechte habin, das wer do gesacztin wyn hy czur Stregon, her sie meteburger adir gast, schenkit adir schenkin wil, is sy swer adir geringe wyn, der sal y dem ratmanne eynen halbin toph gebin czu seczewyne vnde dem erbevoyte eynen ganczin toph, als dicke als her gesaczt wert, vnd sal der stat recht vnd mos gebin; wer dor an vellik wert, der sal gebin der stat, als dicke als her vellik wert, eyne mark czu wandilbuse. 3. Wir wellin ouch das vorbas me keyn gast noch keyn man, der mit der stat nicht schossit, wyn hyczur stat schenkin sal, her sy denne eyn meteburger vnde schosse vnd tu der rat vnd recht. Ouch sal keyn man wyn sohencken, her habe denne eynen eygen hoff adir eynen hal bin adir sust eynen ganezen adir halben hoff redelichin czu rechtir czeit gemytet ümbe syn gelt').