LIX. Sämmtliche breslauer Innungen versprechen, in Zukunft dem Könige und dem Rath gehorsam zu sein, den 27. September 1389. Aus dem Liber Magnus des breslauer Rathsarchivs I. f. 12b- Abschrift des XVI. Jahrhunderts. An gotes namen amen. Von des allerdurchleuchtigisten fursten vnd herrn, herrn Wentzlaw, romischen konigen, zue allen zeiten merer des reichs vnd konigs zue Behemb, vnsers gne- digen herren, vndertenigen vnd getrauen gesworn der handwerker der zechen vnd gemeine der stad zue Breslaw: creytzemer, cromer, wollenweber, kurschner, goldschmide, fleischer, becker, schuster vnd rotgeber, Schneider, meltzer, messerer, garntzuger, moler, tischer vnd goltsloer, kleinschmide, grosschmide, setteler vnd riemer, taschener, gurtteler, zichener, botener, hutter, kannegisser, paternoster(er), noldener und kemmer, weisgerber, hand- schuster, menteler vnd keufeler, vischer, bader bekennen offentlich in diesem kegenwertigen brieue alle den, die ihn sehen, horen ader lesen, das wir mit einander vbereins worden sein bey vnsern trauen vnd vnsern eiden dem vorgenanten vnserm gnedigen herrn dem konige getrawe vnd gewer tzu sein an' alle arglist, sein schaden zu bewaren vnd seiner stad Breslaw vnd des gantzen landes nutz vnd fromen tzue werben vnd den rathman der selbin stad die itzund sein oder hernochmols werden, gehorsam zue sein vnd ihn mit trauen bei zustehen in allen gerechten sachen. So ab iemant aus den handwerker oder aus der gemeine sich vrefellich mit gewalt vnd mit vnrechte weder den rath setzen welde, das den die rathmanne dorinne zu bessern haben. Were auch, ob die rathmanne, purger ader kaufleute, iemanden aus der gemeine, arm oder reich, gewalt vnd vnrecht thuen wolden, so sollen die geschworne der handwerker vor die rathmanne gehen vnd sollen die bieten, das sie die leute bey rechte behalden; thuen sie das nicht, so sollen die vorgenanten geschwor- rene ditz brengen an vnsern herrn den konig auf eine gemeine zerunge, die') sie nemen sollen von einem iglichen handwerke noch person tzal, dorumme das einem iedern manne gleich vnd recht geschehe, einem armen als einem reichen, vnd die handwerker vnd zechen sullen vorthin mer keinen man in ihr innung nemen, ehr globe den die vorgeschriebene stucke vnd artikel bey sehnen eide mit ihn zu haltten. Auch bekennen wir gemeinlich, das Raffisuf Cuntz Stennkeller, Peter Jonsdorf, Pouel Grinick vnd Peter Bier vnserm gne digen herrn, dem konige vnd seinen wisen räthe geoffenbart vnd geklagt haben, das das vnser aller wille vnd wort ist, vnd geben denselben noch gebotte vnd geheische vnsers herren des koniges volle macht, vnser sachen tzue werben, tzue vorantwortten, vnd vns zutragen2) in allim weis, als ab wir miteinander kegenwertig weren. Zue vrkunde alle der 1) Handschrift ditz. 2) auszutragen. 85 obgeschriebene stucken vnd artickel stete vnd gantz tzu balden haben wir obgenante burger vnd gemeine itzliches hantwerck sonderlich vnser ingesigil (mit)') wissen an diesen kegenwertigen brief gehangen. Datum anno 1389 an sanct Wentzelaus Abend, des heiligen merterers.