Wie Otto van godes gnadhen iungherr e van Bran- denborch, marcgreven Albrechtes söne, bekennen unde betüghen openbare mit diffeme brieve, dat wie ghedeghedinghet hebben mit unseme lieven swaghere greven Helmolde van Zweryn, dat hie useme lieven vedderen marcgreven Otten unde useme lieven vadere unde us dienen scöle, silve mit sinen sloten unde mit hundirt mannen mit vordeketen orstn. Hir ümme hebbe wie e>ne ghelovet tu ghevene neghenhundirt marc brandenborsches silvers unde brandenborsch ghewichtes tu useme dele; die scöle wie eme gheven half tu paschen unde die anderen helft tu sünte Mychyls daghe dar na. Were dat dat wie eme die irste helft tu paschen nicht ne gheven unde börde eme die up scadhen tu winnene, die scölde hie winnen uppe tytleken scadhen^ bit sünte Mychyls daghe, so scöle wie eme de neghenhundirt marc unde den scadhen, die gheghan is van paschen wente sünte Mychyls daghe, uppe veftehalfhundert marc ghelden. Vor dit silver unde vor dissen vorbescrevenen scadhen, of dar scadhe up ghet, hebbe wie eme ghesat Wesenberghe hus unde stad tu pande, also als et die Wendischen herren useme vedderen unde useme vadere lieten, mit alleme gude, beide vorleghen unde unvor- leghen, alsus were dat dat wie useme lieven swaghere disse neghenhundirt marc tu sünte Mychyls daghe nicht ne ghe-

32«

ven unde gülden, so scölde Wesenberghe hus unde stad mit alleme gude, als et vöre bescreven is, sin rechte lehn bliven. Die kost oc, die binnen desser tyt uppe Wesenber ghe ghet, w haldene, die scöle wie ghelden, of wie Wesen berghe lösen. Hir is oc bedeghedinghet, were dat dat dit orloghe gheevenet worde, so scöle wie doch deme greven gheven veftehalfhundirt marc, uppe die twei tyt, die hir vöre be- , screven stan; gheit aver dat orloghe vort, so scöle wie eme gheven neghenhundirt marc, alse hir vöre bedeghedinghet is. Uppe dat alle disse deghedinghe stede unde ganz bliven, so gheve wie dissen bries mit unseme ingheseghele beseghelt. Disse brief is ghegheven tu Arneborch, also man reidet van der bort uses herren gvdes dusent tweihundirt vif unde neghentich iar, in deme anderen daghe na sünte Bartholo- meus daghe.

Nach dem besiegelten Originale im Großherzogl. Archive zu Schwerin mitgetheilt durch Herrn Archivar Lisch.