Kirchentellinsfurt.

Wir Graue Rudolfs von Hohemberg .. veriehen offenlich vnd tun kunt menglich mit disem brief die in sehent lesent oder hörent lesen, daz mir dem erbern ftumen haintzen von Custertingen gelühen haben vnd lihen mit vrkund diß briefz ain lehen, daz gelegen ist ze kirchen dällisfurt daz man nenrot Albreht deß dobers lehen, daz von vns lehen ist. .. Deß ain hoftaitin ist vnd fünfzehen Juchart aggers vnd drizehen manmuat wisan, vnd haben im daz vorgenant lehen gelühen, als mir es billich vnd durch reht lihen sullen vnd als sin vordern von vnsern vordern ze lehen gchebt hant, als es wol craft vnd maht han sol vnd haben mag nach dem rehten, wir behalten vns selber allü, vnsrü reht, die wir zu dem vorgenanten lehen haben dar uff wir gewist werden, die wir dar zu Helten oder selb ervorschen mühten, daz wir vns der nit vertzigen noch verschriben haben, Vnd dirr ding zu ainem vrkund vnd offner getzugnust, so geben wir im disen brief versigelt mit vnserm «igen insigel. dirr brief ist geben in dem Jar do man zalt von Cristus geburt Drützehenhundert Jar dar nach in dem Sechs vnd Sehtzi- gosten Jar an dem fritag vor Sant vitz tag ze mitten Pranchat (8ic!).

V. d. Orig. im St.-Archiv zu Stuttgart. — Das Siegel ist abgefallen.