Ich volz von nümneg Ritter tun kunt, das ich Reht vnd redelich gelopt han für mich vnd min erben dem edeln Herren Herzog herman von Tek vnd sinan erben das ich vnd min erben im vnd sinan erben wider ze lösen geben sun vnuerzogenlich allü dü gut vnd gelt dü er mir uss dem dorf ze waltmessin gen ze phand versetzet hat als ich brief von im han vmb vier hundert phund guter hallar almeg ze rehten ziten im dem iar vierzehen tag vor sant walpurg tag den nächsten oder vierzehen den nähsten dar nach vnd vmb hundert phund guter hallar dar vmb ich och smider brief von im han vnd vmb die nütz die sich da von erlösen hettin als och derselb brief seit wär aber das er mir dü hundert phund hallar md die nütz ob sich dehainer da von erlösen hat gantzlich vergolten hat vnd der selb brief von mir ledig mär so sol ich im vnd sinan erben dü selben gut vnd gelt vmb dü vier hundert phund guter hallar wider ze lösen gen an alle widerred in selber ze behüben vnd nieman fürbas ze versetzen än alle geuärd vnd des zu ainer sicherhait gib ich im disen brief mit minem aigen insigel besigelt dar zü min vetter her hainrich von nüwneg vnd Hans sin bruder och irü insigel hant gehenkt zü ainer Zügenüst dir ding dur miner bett willen des och wir Hainrich von nüwneg ritter vnd Hans sin brüder offenlich veriehen geben ze oberndorf an sunt Gerdrüt tag nach cristus geburt drüzehen hundert iar vnd in dem sehs vnd fünfzigosten iar.

B. d. Orig. im St->Archiv zu Stuttgart. — Mit dem ziemlich gut erhaltenen Siegel der Ritter von Ncuneck.