Wir Leupolt von Gottes gnaden Hertzog ze Osterrich ze Styr ze kernden vnd ze krain graff ze Tyrol etc. Tun kunt für vns vnd vnser erben. Als wir die Herschaft ze Hohemberg von dem Edeln vnserm lieben Oheim graff Rüdolffen von Hohemberg gekouft haben vnd dieselben Her schaft wir aber demselben vnßerm Oheim zu sinem lebtagen wider ingeben vnd in- geantwurt haben, vnd als wir such demselben vnßerm öheim vmb etwieuil geltes vnd sein, schulde die er selber schuldig ist, in der egenanten Herschaft erlaubet vnd gegönnet haben ze versetzen vnd ze vervfenden . . Also haben wir dem egenanten vnserm Oheim graff Rüdolffen vmb viertzehen Hundert guldin die er an die ege nant sein schulde geben vnd raichen sol. versetzet vnd verpfendet, versetzen vnd verpfenden ouch missenlich mit kraft dis briefs Hundert vnd viertzig guldin geltes uff allen den nützen vnd gülten. wie die genant sint die zu He ig er loch der ve- stin vnd den zw ein Stetten daselbs gehörent, Jn solicher maße vnd bescheiden- heit, wem der egenant vnser Oheim graff Rudolfs die vorgenant Hundert vnd viertzig guldin geltes gibt schaffet fuget oder versetzet einm teil oder mittenander, mit sinem briefe vnd guter kuntschaft vnd ouch mit disem gegenmurtigen briefe, das dem oder denselben nach sinem tode die also von den obgenanten nützen füllen geuallen vnd geraichet werden zu dem ziln vnd ziten. als er in die verschreib, wenne das geschicht das die vorgenant Herschaft zu vnser oder vnser Erben Hän den kumpt vnd wer daz wir oder vnser Erben dem oder den selben den die Gülte von Im gegeben oder versetzet werdent daran kein yrrung deten vnd in die nicht geuallen liessen nach sinem tode, als vorgeschriben stat. So mügent vns dieselben darumb angriffen vnd phenden an vnßern lüten vnd gittern, ans allen vnßern zorn. als lange vntz in das von vns gewendet wirt, ane geuerde. Mit vrkunde dis briefes. Der geben ist ze Rinfelden an der nechsten Mitmochen vor dem

— 717 —

palmtage, In dem Jare da man zalte vor Cristus geburte dritzehenhundert achtzig md fünf Jare.

B. d. Orig. im St.-Archiv zu Stuttgart. — Das anhangende ziemlich gut erhaltene Siegel ist wie das an Urkunde 1384. St. Pcters und Pauls Abend.