Wir Eberhardt Graue Zue Wirttemberg vnd Zue Mümppelgardt et«, der Elter, Bekhennen vnnd thuen kundt offenbar, mit disem Briest, daß wir vnszern Burgern Zue Ebingen, Haintzen Paur, Eblin Matz rmd hannßen Eblin, als Pflegern des Spitals daselbs, anstatt vnd in na. men desselben Spithals, zu einem stäten, ewigen Kauff, recht vnd redlich, vmb vierhundert reinischer guldin, der wir von Inen vergnügt sindt, verkhaufft vnd zu khauffent gegeben habendi, molbedauchtlich mit rechter missent, die Behauszung daselbs Zu Ebingen, an Hannßen Sachen vnd vnden an der Badtstuben ge legen, so der wolgeborn vnßer lieber Oheim, Grafs Sigmundt von Hohemberg seelig, in sitz weise, bey sinem leben von vnnß innge habt vnd genossen hant, mit allen Rechten vnnd Zugehörten daruß nichtzit zinßet, denn der Hofstatt Zinß also das das bemelt Spital, vnd seine pfleger, von seinen wegen, solch Behauszung, nun für baßhin, allmegent, innhaben, nutzen, nießcn, besetzen vnnd endtsetzen, vnd damit thun vnnd lassen sollen vnnd mögen, als mit andern des Spithals güettern, daran vngeiret vnnd vngehindert, von vnß, vnßern Erben vnnd meniglichem anders von vnßert wegen. Wir verzeihend auch hierauff vnnß, vnnd vnßer Erben, aller Gerechtigkeit Aigenschafft vnd Ansprach, die mir untzher zu der benanten Behauszung, mit ir Zugehördten gehabt haben, oder noch füro darzue gewinnen vnd erlangen möchten. Es wer mit Recht oder sonst zu ander weg, gentzlich lauterlich vnnd Aller ding, ohne alles geuerd, vnnd deß Zu warem Vrkhundt, so haben wir vnßer aigen Jnnsigell öffentlich gethan henkhen an disen Brief, der geben ist, zu Stuttgardten an Freitag nach sant Vlrichs Tag, nach Christj Geburth, als man zalt, taußendt vierhundert, achtzig vnnd siben Iure.

B. d. Dokumentcn^Buch des Spitals zu Ebingen.

> 1487. Die Pfleger des Spitals zu Ebingen stellen Gr. Eberhard von Wirtemberg einen Schnldbrief darüber aus, daß sie von demselben gekauft haben „die Behauszung So Zue Letscht der hochgeborne Herr, Herr graue Sigmundt von Hohemberg Löblicher gedächtnuß zue Ebingen Jnngehabt vnd genoszcn hant." Dok,-Buch des Ebinger Spital«.

— 907 —