Dem durchluchtigen fürsten Herrn Kareln Römischen Chunig, allezit einem merer des Richs vnd Chunig ze Behem vnserm gnedigem Herrn Entbieten mir Graf Albrecht von Hohendeich, Erwelter Bischoff ze Wirtz burch vnsern willigen dienst mit truwen. Wir tun evren gnaden ze wizzen, daz mir dem erbern vnd misen mann, maister Johannsen, ze den ziten Chantzlar des hochgebornen fürstens Hertzog Albrecht ze Öfter rich vnsers lieben Herren vnd oheims ze chouffen geben haben die Herschaft ze Triberch, Purch vnd Stat vnd die vesti gnant di alt Horenberch mit alle dem, daz dartzue gehöret, ez sei aigen oder lehen, dorfer, Teller (sie!) mairtum, daz lantgericht, Stok vnd Galgen, Getming vnd Pan, alle Gericht, daz marchtrecht der Stat ze Triberch vnd die wappen, die der von Triberch selig gefüret hat, vnd mit recht an vns choinen sind, vnd och dartzue gehorent, vnd die Chilhen setze vnd Chilhenlihen, leut vnd gut, alle verlehente gut, manschaft, vogtay, vischwaid (sie!), holtz, melde, Jayd vnd veder- spil, veld, waid vnd wisniat, gestift vnd vngestift, versucht vnd vnuersucht, fundens vnd vnfundens, wie so daz gnant ist, mit allen nutzen, eren, rechten vrihaiten, vnd gemonhaiten, die dartzue gehorent, alz ez von dem egenanten von Triberch an vnsern

— 419 —

vatter Graf Rudolfen seligen von Hohendeich chomen ist, vnd als ez di selben vnser vatter vnd der von Triberch habent inngehabt, daz vns alles von demselben vnserm vatter Graf Rudolf gen vnsem brüder vnd vettern, da mir mit einander tailten, an rechtem erbtail angeuallen ist, vnd haben ouch denselben chouf getan mit rat, gunst, vnd guten willen vnserr brüder Graf Hugen vnd Graf Hainrichs von Hohenberch vnd och vnsers vettern, Graf Rudolphs Graf Rudolphs seliges sunes vnsers bruders. Diselben Herschaft, Stat vnd die vestinan ze Triberch vnd die alt Horenberch vnd swaz dartzne gehöret, als vorbe- ncmt ist, daz von dem Hailigen Romischen Rich lehen ist, senden vnd geben mir ev et«, mit disem brief vnd biten evr gnad mit gantzem vlizz, dazz ir di von vns vf nemet vnd si lihet dem egenanten maister Johansen vnd sinen erben vnd in die bestetet mit evren chunichlichen bliesen, als si des notdürftig sind, daran tüt ir vns «in sunder gnad, die wir gern verdienen wellen. Des geben wir ze vrchund disen brief, besigelten mit vnserm vnser egenanten Brüder Graf Hugen vnd Graf Hainrichs vnd vnsers vettern Graf Rudolfs von Hohenberg Jnsigeln, Der geben ist ze Rotwil an Vritag nach vnser vroivn tag ze mitten Äugst, Nach Christs geburd Tusent drev hundert iar, dar nach in dem Nun vnd virtzkisten jar.

B. d. Orig. in °r. XI. Sammlung verschiedener Archival'Dok. Die Siegel fehlen. Es sind zwei ganz gleichlautende Exemplare vorhanden.